‘કોરોના અંગે સૌથી પહેલું એલર્ટ અમે આપ્યું ચીને નહીં’: WHOનો દાવો

કોરોનાને લઈને વર્લ્ડ હેલ્થ ઓર્ગેનાઈઝેશને હવે બીજો એક મોટો દાવો કર્યો છે. WHOએ જણાવ્યું કે, કોરોનાના પ્રાથમિક તબક્કામાં ચીને કોઈ એલર્ટ આપ્યું નહોતું. પરંતુ વુહાનમાં વધી રહેલા ન્યુમોનિયાના કેસને લઈને ચીનમાં WHOની ઓફિસ તરફથી ચેતવણી જાહેર કરવામાં આવી હતી. મહત્વનું છે કે સંયુક્ત રાષ્ટ્રની આરોગ્ય સંસ્થા પર અમેરિકી રાષ્ટ્રપ્રમુખ ડોનાલ્ડ ટ્રમ્પ આરોપ મૂકતા રહ્યા છે કે, દુનિયાને કોરોના મહામારી અંગે પ્રાથમિક તબક્કે એલર્ટ આપવામાં તે નિષ્ફળ રહ્યા છે અને તેમણે આ મામલે ચીનને છાવરવાનું કામ કર્યું છે. જોકે WHOએ ફરી એકવાર આ આરોપને નકાર્યા હતા.