UP: ખાનગી હોસ્પિટલના સ્ટાફ દ્વારા 44 વર્ષના યુવકની કથિત હત્યા

એક ઝણઝણાટી ઉભી કરી દે તેવી ઘટના CCTV કેમેરામાં કેદ થઈ ગઈ છે. જેમાં એક પ્રાઈવેટ હોસ્પિટલના સ્ટાફ દ્વારા રુપિયાની બાબતે થયેલી તકરાર બાદ મામલો હત્યા સુધી પહોંચી જાય છે. આ ઘટના ઉત્તરપ્રદેશના અલિગઢમાં આવેલી એક ખાનગી હોસ્પિટલ પાસે બની હતી. પોલીસે આ ઘટનાની ફરિયાદ નોંધીને આ અંગે વધુ તપાસ શરુ કરી દીધી છે. અલીગઢમાં કુરેશી બાયપાસ પાસે આવેલી ખાનગી હોસ્પિટલમાં સારવાર માટે સુલ્તાન ખાન નામનો શખ્સ આવ્યો હતો ત્યારે તેના પર હુમલાની ઘટના બની. સુલ્તાન ખાનને પાછલા કેટલાક દિવસથી પેશાબ આવવામાં તકલીફ થતી હતી જેના માટે તે હોસ્પિટલ આવ્યો હતો અને ત્યાં થયેલી રકઝક બાદ મામલો ઝપાઝપીમાં આવી ગયો અને આ પછી ઉશ્કેરાયેલા શખસે કથિત રીતે સુલ્તાન ખાનની હત્યા કરી નાખી.