દેશના આ મોટા વકીલોએ TikTokનો કેસ લડવાની પાડી દીધી ના
નવી દિલ્હીઃ ટિકટોક પર પ્રતિબંધ મૂક્યા બાદ તેમનો કેસ લડવા માટે કોઈ વકીલ તૈયાર થઈ રહ્યા નથી. દેશના જાણીતા બે વકીલે ટિકટોકનો કેસ લડવાની ચોખ્ખી ના પાડી દીધી. પૂર્વ એટોર્ની જનરલ અને સીનિયર એડવોકેટ મુકુલ રોહતગી પછી હવે સીનિયર કોંગ્રેસ લીડર અને સુપ્રીમ કોર્ટના એડવોકેટ અભિષેક મનુ સિંઘવીએ પણ કેસ લડવાની ના પાડી દીધી.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો
ટિકટોક સહિત 59 ચાઈનીસ એપ પર સરકારે 29 જૂનના રોજ પ્રતિબંધ મૂકી દીધો. બંને વકીલોએ કહ્યું કે તેઓ સરકારના નિર્ણય સામે ટિકટોકનો કેસ નહીં લડે.
આ પહેલા સિંઘવી ટિકટોક માટે કેસ લડી ચૂક્યા છે
પૂર્વ એટોર્ની જનરલે કહ્યું કે, ‘હાલની સ્થિતિ જોતા કોઈ પણ ચીનની કંપની તરફથી વકીલાત કરવી યોગ્ય નથી.’ રોહતગી દેશના ટોપ વકીલોમાંથી એક છે. કોંગ્રેસ નેતા સિંઘવી એક વર્ષ પહેલા ટિકટોકનો કેસ લડ્યા હતા. ત્યારે તેમણે કંપનીને જીત પણ અપાવી હતી. હાઈકોર્ટની મદુરાઈ બેંચે ગત વર્ષે 24 એપ્રિલે ટિકટોક પર લગાવેલો પ્રતિબંધ હટાવી લીધો હતો.
Comments
Post a Comment