TikTok એપની જગ્યા લઈ રહી છે Roposo, મોટા પ્રમાણમાં થઈ રહી છે ડાઉનલોડ

દેશમાં બનેલું સોશિયલ મીડિયા પ્લેટફોર્મ Roposo ચીની એપ ટિકટોકના પ્રતિબંધ થયા બાદ જબરજસ્ત પોપ્યુલર થઈ રહી છે. મંગળવારે રાત્રે સરકારે ભારતમાંથી 59 ચાઈનીઝ એપ પર પ્રતિબંધ લગાવી દીધો હતો. ટિકટોક બેન થયા બાદ બુધવાર બપોર સુધીમાં Roposoના 48 લાખથી વધુ વખત ડાઉનલોડ કરવામાં આવી હતી. એપના ડેવલપરે આશા વ્યક્ત કરી છે કે, તેમને એક દિવસમાં જ એક કરોડ યુઝર્સ મળવાની આશા છે. ગૂગલ પ્લે સ્ટોર મુજબ, આ ભારતીય એપને અત્યાર સુધીમાં 5 કરોડ કરતા વધારે વખત ડાઉનલોડ કરવામાં આવી છે.

ચીની એપ TikTok, Bigo Live, Vigo Video અને Helo જેવી એપ બેન થયા બાદ દેશી એપના ડાઉનલોડમાં વધારો થયો છે. Roposo સિવાય ચિંગારી એપ પણ મોટા પ્રમાણમાં ડાઉનલોડ કરવામાં આવી રહી છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

ad tech unicorn InMobiના ફાઉન્ડર અને સીઈઓ નવીન તિવારીએ અમારા સહયોગી ટાઈમ્સ ઓફ ઈન્ડિયા સાથે વાતચીત કરી છે. જેમાં તેમણે જણાવ્યું કે, Roposoને પાછલા કેટલાક અઠવાડિયામાં 10 ગણો વધારે ઉછાળો આવ્યો છે. તેનું કારણ છે કે ભારતીયો દ્વારા ચીનની એપને અનઈન્સ્ટોલ કરાઈ. ભારતીયોએ TikTok, શેરઈટ, કેમસ્કેનર, યુસી ન્યૂઝ, વીચેટ, હેલો સહિત ઘણી એપને પાછલા કેટલાક સમયમાં ઝડપથી અનઈન્સ્ટોલ કરી છે.

નવેમ્બર સુધી 80 કરોડ લોકોને દર મહિને 5 કિલો ઘઉં અથવા ચોખા અને 1 કિલો ચણા મફત આપવામાં આવશે: PM Modi 

તેમણે કહ્યું, “ભારતમાં એક એન્ટરપ્રેન્યોર હોવાના કારણે, આ ડિજિટલી આત્મનિર્ભર થવાનો સમય છે. આ ઐતિહાસિક છે કારણ કે ડિજિટલ કંપનીઓની કોઈ સરહદ નથી હોતી અને ભારતમાં ડિજિટલનો ઉપયોગ મોટી સંખ્યામાં થાય છે, માટે ડેટા કંટ્રોલ થાય અને તેની સિક્યોરિટીની સંભાળ રખાય તે જરુરી છે. વડાપ્રધાન દ્વારા લેવાયેલો એપ બેનનો નિર્ણય શાનદાર છે. InMobi ની બે એપ Glance અને Roposo છે.”