ગર્લફ્રેન્ડ સાથે પરણી ગયો આ ટીવી એક્ટર, SRKના પોઝમાં ‘દુલ્હનિયા’નું કર્યું હતું સ્વાગત 😍

પરણી ગયા મનીષ અને સંગીતા

સીરિયલ ‘સસુરામ સિમર કા’ ફેમ મનિષ રાયસિંઘણે આખરે પોતાની ‘સ્વાભિમાન’ની કો-સ્ટાર અને લોંગ ટાઈમ ગર્લફ્રેન્ડ સંગીતા ચૌહાણ સાથે આજે લગ્ન કરી લીધા છે. બંનેએ જૂહુમાં આવેલા એક ગુરુદ્વારામાં લગ્ન કર્યા છે. જેની તસવીરો સામે આવી છે.

ગુરુદ્વારામાં કર્યા લગ્ન

ટીવી કપલ વેડિંગ આઉટફિટમાં જ ગુરુદ્વારા આવ્યું હતું પરંતુ બંનેમાંથી કોઈ પણ માસ્ક પહેરવાનું ભૂલ્યું નહોતું. સંગીતાએ બ્રાઈટ પિંક કલરનો પતિયાલા સૂટ પહેર્યો હતો જ્યારે મનીષે લાઈટ પિંક કૂર્તો અને પાયજામો પહેર્યો હતો. આ સાથે તેણે જાંબલી કલરનું જેકેટ પણ પહેર્યું હતું. મનીષ અને સંગીતાએ પોતાના આઉટફિટ સાથે મેચ થતું માસ્ક પહેર્યું હતું.

રોમાન્ટિક રીતે કર્યું દુલ્હનિયાનું સ્વાગત

કોરોના વાયરસના કારણે ભલે તેમણે પોતાના લગ્નમાં મહેમાનોને ન બોલાવ્યા હોય પરંતુ મનીષે પોતાની દુલ્હનિયાનું એસઆરકે સ્ટાઈલમાં ગ્રાન્ડ વેલકમ કર્યું હતું. સુપર રોમાન્ટિક અને ક્યૂટ, હે ને?

ફ્રેન્ડ્સ માટે યોજશે પાર્ટી

કપલે ગુરુદ્વારામાં જ લગ્ન કરવાનું નક્કી કર્યું હતું. જ્યારે સ્થિતિ થાળે પડી જશે ત્યારે તેઓ મિત્રો અને પરિવાર માટે ગ્રાન્ડ પાર્ટી યોજવાના છે.

માત્ર 3 મહેમાન જ રહ્યા ઉપસ્થિત

કપલના લગ્નમાં માત્ર ત્રણ મહેમાન જ ઉપસ્થિત રહ્યા હતા. જેમાં મનીષની બહેન-જિજાજી અને સંગીતાનો ભાઈ હતો. જો કે, છેલ્લા બે દિવસથી તેમણે પરિવાર સાથે મહેંદી અને સંગીત સેરેમની કરી હતી. જ્યારે મિત્રોએ વીડિયો કોલથી હાજરી આપી હતી.

અચાનજ જ બધું થયું નક્કી

થોડા દિવસ પહેલા અમારા સહયોગી બોમ્બે ટાઈમ્સ સાથે વાતચીત કરતાં મનીષે કહ્યું હતું કે, ‘થોડા દિવસ પહેલા મારા પિતાએ મને કહ્યું કે મારે લગ્ન કરી લેવા જોઈએ. મેં તેમને કહ્યું કે, ઠીક છે કરી લઉ છું. તેમને લાગ્યું કે હું મજાક કરી રહ્યો છું. જો કે, હું સીરિયસ હતો. મેં તરત જ સંગીતાને ફોન કર્યો હતો અને કહ્યું કે આપણે તારા માતા-પિતા સાથે વાત વિશે વાત કરવાની જરીર છે. મને આશા હતી કે, તે થોડી અચંબામાં પડી જશે. પરંતુ બાદમાં તેણે કહ્યું કે, ‘આ શું તું કહી રહ્યો છે?’. પરંતુ તેને મારા વિશે જાણે છે. તેથી એ જ દિવસે અમે તેના માતા-પિતા સાથે વીડિયો કોલ દ્વારા વાત કરી હતી અને બધું ફિક્સ કર્યું’.

સીરિયલના સેટ પર થઈ હતી મુલાકાત

 

View this post on Instagram

 

@manishmischief strikes @iamsrk ‘s signature pose to welcome his bride @sangeitachauhaan . . Follow @etimes_tv for more updates and news . . #manishraisinghan #sangeitachauhaan #actors #wedding #marriage #weddingbells #goodtimes #couple #justmarried

A post shared by ETimes TV (@etimes_tv) on Jun 30, 2020 at 12:41am PDT

સંગીતા અને મનિષની મુલાકાત ‘એક શ્રૃંગાર-સ્વાભિમાન’ના સેટ પર થઈ હતી અને બાદમાં બંને વચ્ચે પ્રેમ પાંગર્યો હતો. બંનેએ પોતાના રિલેશનશિપને સિક્રેટ રાખી હતી અને મેરેજ ડેટ જાહેર કરીને ફેન્સ સરપ્રાઈઝ આપી હતી.