સુરતઃ સરકારે ટેન્ડરના માપદંડો બદલતા લાખો PPE કિટ્સ ગોડાઉનમાં ધૂળ ખાઈ રહી છે

સુરતઃ કોરોના સામે લડી રહેલા હજારો ફ્રન્ટ લાઈન વર્કર્સને ઈન્ફેક્શનથી બચાવી શકનારી લાખો પર્સનલ પ્રોટેક્ટિવ ઈક્વિપમેન્ટ (PPE) કિટ્સ હાલમાં સુરતના ટેક્સટાઈલ મેન્યુફેક્ચરિંગ યુનિટ્સમાં પડી પડી ધૂળ ખાઈ રહી છે. આ પાછળનું કારણ છે સરકારના વિભાગો, ઓર્ગેનાઈઝેશ અને PSUs તરફથી ગવર્નમેન્ટ ઈ-માર્કેટપ્લેસ પર ઓનલાઈન ટેન્ડરમાં નક્કી કરાયેલા ખાસ માપદંડો છે. જે મુજબ PPE કિટ્સ સપ્લાયર પાસે એકથી ત્રણ વર્ષનો અનુભવ હોવો જરૂરી છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

કેન્દ્રીય ટેસ્ટકાઈલ્સ મંત્રાલયના આદેશો બાદ બિઝનેસની તક જોતા શહેરની 15 જેટલી ટેક્સટાઈલ્સ કંપનીઓએ PPE કિટ્સું ઉત્પાદન કરવાનું શરૂ કર્યું હતું. જોકે બે મહિના બાદ લાખો PPE કિટ્સ બનાવ્યા પછી આ યુનિટ્સ પાસે જરૂરી એકથી ત્રણ વર્ષનો અનુભવ ન હોવાના કારણે સૌથી મોટા ખરીદદાર સરકાર સાથે PPE કિટની ડિલ કરવામાં નિષ્ફળ થઈ ગયા.

સુરતમાં આ એકમોએ એપ્રિલમાં રિસર્ચ અને ડેવલપમેન્ટનું કામ કર્યા બાદ મે મહિનાના પહેલા અઠવાડિયાથી PPE કિટ્સનું ઉત્પાદન કરવાનું શરૂ કર્યું હતું. સુરતમાં જ રોજની 50,000 પીપીઈ કિટ્સનું ઉત્પાદન થાય છે. જેમાં 100 ટકા બ્રિથેબલ ટેકનોલોજીથી કોટેડ અને લેમિનેટેડ સુટ બનાવાય છે.

SGTPAના પ્રેસિડેન્ટ જીતેન્દ્ર વખારિયા કહે છે, સુરતના તમામ પીપીઈ કિટ મેન્યુફેક્ટરર કાં તો ફેબ્રિક, સાડી અથવા ગારમેન્ટ મેન્યુફેક્ચરર છે. તેમની પાસે પીપીઈ કિટ બનાવવાનો કોઈ અનુભવ નથી. સરકારે ક્વોરિટીને પણ માપદંડમાં રાખવી જોઈએ.

સચિન GIDCમાં આવેલી કાપડ મેન્યુફેક્ચરિંગ કંપની રુદ્ર ડિજિટલ સોલ્યુશનના ડાયરેક્ટર શાલિન વૈદ્યએ TOIને જણાવ્યું કે, ‘અમે રોજની 10,000 PPE કિટ્સના પ્રોડક્શન માટે ઘણું રોકાણ કર્યું હતું. પરંતુ અમુક પ્રાઈવેટ ઓર્ડર સિવાય અનુભવના અભાવે અમે ઓનલાઈન ટેન્ડર દ્વારા સરકાર સાથે કોઈ મોટી ડિલ કરી શક્યા નથી.’

રોજની 5000 પીપીઈ કિટ્સ બનાવવાની ક્ષમતા ધરાવતી લક્ષ્મીપતિ ટેક્સટાઈલ ગ્રુપના મેનેજિંગ ડિરેક્ટર સંજય સરૌગી કહે છે, એપ્રિલમાં ટેક્સટાઈલ મિનિસ્ટ્રીએ સ્વેદેશી મેન્યુફેક્ચરિંગ કિટ્સ બનાવવા કહ્યું હતું, જેથી વિદેશની કિટ પર નિર્ભર ન રહેવું પડે. પરંતુ અમને કોઈ ખ્લાય નહોતો કે તેમાં અનુભવ જોઈએ.

જ્યારે પ્રતિભા ગ્રુપના ચેરમેન પ્રમોદ ચૌધરીએ કહ્યું, ‘અમારી પીપીઈ કિટ્સ સાઉથ ઈન્ડિયા ટેક્સટાઈલ રિસર્ચ અસોસિયેશન દ્વારા અપ્રૂવ કરાયેલી છે. સરકારના ટેન્ડરમાં અનુભવ ઉપરાંત લેમિનેટેડ કિટનો કોઈ ઉલ્લેખ નથી. અમે આ આખી મૂંઝવણના કારણે પીપીઈ કિટ્સ બનાવી શકતા નથી.’