PM મોદી અને ડોનાલ્ડ ટ્રમ્પનું ‘મિશન બોયકોટ’, ચીનના રાષ્ટ્ર પ્રમુખ શી જિનપિંગ પણ લાચાર બન્યા

નવી દિલ્હીઃ સરહદ પર ભારત સહિત અન્ય પાડોશી દેશોને આંખ બતાવી રહેલા ચીનને હવે બેવડો માર પડી રહ્યો છે. એક તરફ કોરોના વાયરસને લઈને પહેલાથી તે સાઈડલાઈન છે. હવે બીજી તરફ પીએમ નરેન્દ્ર મોદી અને અમેરિકન રાષ્ટ્ર પ્રમુખ ડોનાલ્ડ ટ્રમ્પની જુગલબંદ આગળ ચીનના રાષ્ટ્ર પ્રમુખ શી જિનપિંગ લાચાર નજર આવી રહ્યા છે. ચીનને પાઠ ભણાવવા માટે ભારતીય પ્લાન શરૂ થઈ ચૂક્યો છે. ચાઈનીઝ સામાનના બહિષ્કારની આ યોજનામાં ભારતને હવે અમેરિકાનો સાથ મળી રહ્યો છે. હવે એક તરફ અમેરિકા પોતાના ત્યાં ચાઈનીઝ સામાનનો ઉપયોગ ન કરવાની વાત કરી રહ્યું હતું, હવે બીજી તરફ તે ભારતમાં રોકાણ વધારવાની શરૂઆત કરી રહ્યું છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

ચીનની કંપનીઓના બિષ્કાર વચ્ચે ઉત્તર પ્રદેશથી બુધવારે મોટી ખબર આવી છે. કહેવાયું છે કે માઈક્રોસોફ્ટ યુપીના ગ્રેટર નોઈડામાં મોટું કેમ્પસ બનાવવાની છે. તેમાં 4 હજાર જેટલા કર્મચારી હશે. યુપી સરકારને આશા વ્યક્ત કરી છે કે સમયની સાથે તેમની સંખ્યામાં વધારો થશે.

59 ચાઈનીઝ એપ પરના પ્રતિબંધનું અમેરિકાએ કર્યું સ્વાગત
ભારતે ચીનની 59 એપ્લિકેશનોને હટાવવાનો નિર્ણય લીધો હતો. આ નિર્ણયનું અમેરિકાએ પણ સ્વાગત કર્યું છે. અમેરિકાના વિદેશ મંત્રી માઈક પોમ્પિઓએ આ નિર્ણયને યોગ્ય બતાવ્યો. તેમણે કહ્યું, ‘અમે કેટલીક મોબાઈલ એપ્લિકેશન પર પ્રતિબંધ લગાવવાના ભારતના આ નિર્ણયનું સ્વાગત કરીએ છીએ.’ પોમ્પિઓએ આ એપ્સને CCPના સર્વેલાન્સનું અંગ બતાવ્યું અને કહ્યું કે ભારતના એપ્સના પ્રતિબંધના પગલાથી ભારતની સંપ્રભુતા, અખંડતા અને રાષ્ટ્રીય સુરક્ષાનો પ્રોત્સાહન મળશે જેમ ભારતની સરકારે પણ કહ્યું છે.

અમેરિકાએ ZTE અને હુવાવેને બતાવ્યો હતો રાષ્ટ્રીય ખતરો
બીજી તરફ અમેરિકાએ પણ ચીનની વિરુદ્ધ કાર્યવાહી શરૂ કરી દીધી છે. US ફેડરલ કોમ્યુનિકેશન કમિશને ચીનની ટેક કંપની હુવાવે અને ZTEને રાષ્ટ્રીય ખતરો બતાવ્યો છે. આટલું જ નહીં અમેરિકન કંપનીઓને ઈક્વિપમેન્ટ ખરીદવા માટે મળવાનારા 8.3 અબજ ડોલરના ફન્ડને ટ્રમ્પ સરકારે રોકી દીધું. સ્પષ્ટ થઈ ગયું કે ટેલિકોમ કંપનીઓને પોતાના ઈન્ફ્રાસ્ટ્રક્ચરથી આ બંને ચાઈનીઝ કંપનીઓના ઈક્વિપમેન્ટ્સ હટાવવા હતા.

59 ચાઈનીઝ એપ પર પ્રતિબંધ પહેલા ભારતે ચીનની કંપનીઓના અલગ-અલગ પ્રોજેક્ટ કેન્સલ કર્યા હતા. તેમાં રેલવે, મહારાષ્ટ્ર સરકાર વગેરેના પ્રોજેક્ટ સામેલ હતા. જેના પર ચીની મીડિયા ગુસ્સે છે પરંતુ લાચાર પણ છે.