PM મોદી પર નિશાન સાધવા રાહુલે ટ્વીટ કર્યો લદાખીઓનો વિડીયો, તેમાંથી 5 છે કોંગ્રેસના કાર્યકર્તા

શું કરવામાં આવી રહ્યો છે દાવો?
કોંગ્રેસ લીડર અને વાયનાડ એમપી રાહુલ ગાંધીએ ટ્વીટર પર એક વિડીયો પોસ્ટ કર્યો હતો. આ વિડીયો પોસ્ટ કરીને રાહુલ ગાંધીએ નરેન્દ્ર મોદી દેશવાસીઓ સમક્ષ ખોટું બોલે છે તેવો આરોપ પણ લગાવ્યો હતો.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

શું છે આ વિડીયોમાં?
વિડીયોમાં કેટલાક લોકો એવો દાવો કરી રહ્યાં છે કે, ચાઈનાએ તેમની જમીન હડપી લીધી છે. રાહુલ ગાંધીએ કહ્યું હતું કે જે લોકો આવો દાવો કરી રહ્યાં છે તે તમામ લદ્દાખના રહેવાસીઓ જ છે.

Ladakhis say:
China took our land.

PM says:
Nobody took our land.

Obviously, someone is lying. pic.twitter.com/kWNQQhjlY7

— Rahul Gandhi (@RahulGandhi) July 3, 2020

આ લખાઈ રહ્યું છે ત્યાં સુધી વિડિયોને 35K લાઈક્સ અને 13.8Kવાર રીટ્વિટ થયો છે.

શું છે હકીકત?
આ વિડીયોમાં ઓછામાં ઓછાં પાંચ લોકો જોવા મળે છે, જેને રાહુલ ગાંધીએ સાધારણ લદ્દાખીઓ તરીકે ઓળખાવ્યા છે. જેમનો કોંગ્રેસ સાથે સંબંધ છે.

કેવી રીતે કરી તપાસ?
વિડીયોમાં જે વ્યક્તિઓ બોલી રહ્યાં છે, તેનું નામ પણ લખ્યું છે. જેને ગૂગલ પર સર્ચ કરતાં કંઈક આવું પરિણામ સામે આવ્યું હતું.

દુર્જય ગ્યાલસ્ટોન
તેઓ કોંગ્રેસના લેહ યુનિટમાં જિલ્લા યુથ કોંગ્રેસના વર્કિંગ પ્રેસિડન્ટ છે. ડિસ્ટ્રીક્ટ કોંગ્રેસ લેહના ફેસબુક ગ્રુપમાં એક પોસ્ટમાં અમે તેમને આ રીતે સંબોધિત કરાયેલા જોયા…

ડો. ઈશે નામ્ગ્યાલ
2 નવેમ્બર, 2018એ રીચ લદાખના એક આર્ટિકલમાં અમને જાણવા મળ્યું કે, કોંગ્રેસે ડો. ઈશે નામ્ગ્યાલને લદાખ મ્યુનિસિપલ કમિટીના પ્રમુખ નીમ્યા છે.

નામ્ગ્યાલ દુરબુક
પત્રકાર બરખા દત્ત એક વિડીયોમાં તેમનો ઉલ્લેખ કોંગ્રેસના એક કાઉન્સિલર તરીકે કર્યો હતો.

"Where our Horses used to go & Pasture, we now see the Chinese."- Namgyal Durbuk is an ex Congress Councillor from Congress but says he speaks as a local from the Border Villages of Durbuk-Shyok areas. "We stand with the PM, Please Act" – My Ladakh report pic.twitter.com/zkqdB21pPd

— barkha dutt (@BDUTT) June 22, 2020

સચિન મેરુપા
તેમના ટ્વીટર બાયો મુજબ, તેઓ હિમાચલમાં NSUI (કોંગ્રેસની વિદ્યાર્થી પાંખ)ના જનરલ સેક્રેટરી છે.

તુંડુંપ નુબુ
તેમના ફેસબુક પ્રોફાઈલના બાયોમાં જણાવ્યા મુજબ, તેઓ લદાખમાં ભારતીય યુવા કોંગ્રેસના જનરલ સેક્રેટરી છે.

પરિણામ
ટાઈમ્સ ફેક્ટ ચેકને જાણવા મળ્યું કે, રાહુલ ગાંધીએ પીએમ મોદી પર નિશાન સાધવા પોસ્ટ કરેલા વિડીયોમાં દેખાતા ઓછામાં ઓછા 5 લોકો કોંગ્રેસના કાર્યકરો હતા, નહીં કે લદાખના રહેવાસી. ગાંધીએ આ વિડીયો એ દર્શાવવા કર્યો કે ચીને ભારતની ભૂમિ પર કબજો કર્યો છે અને મોદી દેશવાસીઓ સમક્ષ ખોટું બોલી રહ્યા છે.