હવે ગાયના મ્હોંમાં ફૂટ્યો ક્રૂડ બૉમ્બ, ગંભીર રીતે ઘાયલ થઈ ગાય, FIR નોંધાઈ

ચિત્તૂર: કેરળમાં ગર્ભવતી હાથીને ફટાકડા ખવડાવ્યાના હચમચાવી દેનારા કેસ બાદ હવે આંધ્ર પ્રદેશથી કંઈક આવો જ કિસ્સો સામે આવ્યો છે. આંધ્ર પ્રદેશના ચિત્તૂર જિલ્લાના પંજની મંડલમાં એ ગાય ક્રૂડ બૉમ્બને કારણે ઘાયલ થઈ ગઈ. પોલીસે જણાવ્યું કે, જંગલમાં ચરતી વખતે ગાયે ભૂલથી એક ક્રૂડ બૉમ્બ ખાઈ લીધો, જે જંગલી જાનવરો માટે રાખવામાં આવ્યો હતો. પોલીસે આ કેસમાં રિપોર્ટ નોંધ્યો છે.

જાણકારી અનુસાર, આંધ્ર પ્રદેશમાં ચિત્તૂર જિલ્લા પેડ્ડા પંજની મંડળના કોગિલેરૂ ગામમાં આ ઘટના બની. જંગલમાં જંગલી જાનવરો માટે રાખવામાં આવેલા એક ક્રૂડ બૉમ્બને ગાયે ખાઈ લીધો. બાદમાં ગાયના મ્હોંમાં બૉમ્બ ફાટી ગયો. આના કારણે ગાયના જડબા ગંભીર રીતે ઘાયલ થઈ ગયા. પોલીસે જણાવ્યું કે, આ ઘટના શનિવાર સાંજની છે.

શિકારીઓ અને જંગલી ભૂંડ ફસાવવા મૂક્યા હતા બૉમ્બ

સબ-ઈન્સપેક્ટર લોકેશ રેડ્ડીએ કહ્યું કે ગાય ‘ગોમાતા પીઠમ’ નામના એક ગાય આશ્રયની હોવાનું કહેવાઈ રહ્યું છે. આ આશ્રયમાં 70 ગાયોની દેખરેખ રાખવામાં આવે છે. પોલીસે જણાવ્યું કે, શિકારીઓએ ભૂંડને ફસાવવા માટે જંગલમાં વિસ્ફોટકો લગાવ્યા હતા જેને ગાયે ખાઈ લીધા અને તે ગંભીર રીતે ઘાયલ થઈ ગઈ.

Andhra Pradesh: A cow sustained injuries after it bit a crude bomb in Panjani Mandal in Chittoor district yesterday. Sub-Inspector Lokesh Reddy said, "While grazing in a forest, the cow mistakenly bit a crude bomb which was kept for wild animals. A case has been registered." pic.twitter.com/zwqvySYlJC

— ANI (@ANI) June 29, 2020

કેરળમાં માદા હાથી કેસ અંગે લોકોમાં રોષ

જણાવી દઈએ કે, કેરળના પલક્કડમાં એક ગર્ભવતી હાથીને ફટાકડાઓથી ભરેલું અનાનસ ખવડાવી દેવામાં આવ્યું હતું. આના કારણે તેના નીચેના જબડા ગંભીર રીતે ઘાયલ થઈ ગયા હતા અને તેનું મોત થઈ ગયું હતું. જ્યારે આ સમાચાર સોશિયલ મીડિયા દ્વારા સામે આવ્યા ત્યારે દેશભરમાં તેના વિરુદ્ધ ગુસ્સો ભભૂકી ઉઠ્યો હતો. આ ઘટનાની દેશભરમાં મોટાપાયે આલોચના થઈ હતી.