આવતીકાલે લૉન્ચ થશે પહેલી દેસી સોશિયલ એપ Elyments

નવી દિલ્હી: ભારતમાં મોટી સંખ્યામાં લોકો સોશિયલ મીડિયાનો ઉપયોગ કરે છે. આંકડા અનુસાર, સોશિયલ મીડિયાની સંખ્યા દેશમાં 50 કરોડથી પણ વધુ છે. તેમ છતાં સોશિયલ મીડિયાના બજારમાં વિદેશી કંપનીઓની બોલબાલા છે. રવિવારે દેશના ઉપ રાષ્ટ્રપતિ વૈકેયા નાયડૂ પ્રથમ દેસી સોશિયલ મીડિયા એપ અલાઈમેન્ટ્સ (Elyments)ને લૉન્ચ કરવા જઈ રહ્યા છે. સોશિયલ મીડિયા પર ડેટા પ્રાઈવસી અંગે સવાલો ઉઠતા રહ્યા છે. આ બાબતે વિદેશી કંપનીઓ ફેઈલ થતી દેખાય છે. એટેલે સોશિયલ મીડિયા એપમાં મુખ્યપણે ડેટા પ્રાઈવસીને આગળ રાખવામાં આવી છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

રવિવારે લૉન્ચિંગ કાર્યક્રમમાં આર્ટ ઑફ લિવિંગના સંસ્થાપક શ્રી શ્રી રવિશંકર પણ હાજર રહેશે. એપ લૉન્ચિંગ સમયે યોગગુરુ રામદેવ, અયોધ્યા રામ રેડ્ડી, પૂર્વ કેન્દ્રીય મંત્રી સુરેશ પ્રભુ પણ હાજરી આપી શકે છે. જણાવવામાં આવી રહ્યું છે કે, Elyments એપમાં યૂઝરનો ડેટા સુરક્ષિત રહેશે અને પરવાનગી વિના કોઈ ત્રીજી પાર્ટી ડેટા લઈ શકશે નહીં.

આ એપ ગૂગલ પ્લે સ્ટોર પર અત્યાર જ અવેલેબલ છે અને લાખો લોકો ડાઉનલોડ કરી ચૂક્યા છે. જોકે, હજુ તેનું સત્તાવાર લૉન્ચિંગ નથી થયું જે આવતીકાલ થવા જઈ રહ્યું છે. એપ 8 ભાષાઓમાં ઉપલબ્ધ હશે અને તેમાં ઑડિયો-વિડીયો કૉલિંગની પણ સુવિધા આપવામાં આવશે.

ભારત એપ અને સોશિયલ મીડિયા બાબતે પણ આત્મનિર્ભર બનવાની કવાયત કરી રહ્યું છે. પૂર્વ લદ્દાખની ગલવાન ઘાટીમાં ચીન સાથે થયેલી હિંસક ટક્કર બાદ ભારતે ચીનની 59 એપ બેન કરી દીધી હતી. બીજી તરફ PM મોદીએ દેશના લોકોને એપ બનાવવા માટે પણ ચેલેન્જ આપી દીધી છે. આમાં દેશની આગળની નીતિ સ્પષ્ટ છે. ભારત દુનિયા માટે સોશિયલ મીડિયા અને ટેક્નોલૉજી મામલે પણ મોટું બજાર છે. આ ફાયદો ખુદ ભારત પણ ઉઠાવી શકે છે.