CCTV: નશામાં હતો પોલીસવાળો, મહિલાને એકથી વધુ વખત કાર નીચે કચડી

દિલ્હીની પાસે આવેલા ગામ ચિલ્લામાં એક પોલીસકર્મીએ મહિલા પર કાર ચડાવી દીધી હોવાની ઘટના CCTV કેમેરામાં કેદ થઈ છે. આ ઘટનામાં પોલીસે ફરિયાદ નોંધી છે. પોલીસે જણાવ્યું છે કે, “આરોપી સબ-ઈન્સ્પેક્ટર છે, આ ઘટના બની ત્યારે પોલીસકર્મી નશાની હાલતમાં હતો. જેની ધરપકડ કરી લેવામાં આવી છે. જ્યારે ઘાયલ થયેલી મહિલાની સારવાર ચાલી રહી છે.”

આ ઘટનામાં ઘાયલ થયેલી મહિલાની ઉંમર 60 વર્ષની હોવાનું મીડિયા રિપોર્ટ્સમાં સામે આવી રહ્યું છે. આ મહિલા જઈ રહી હતી ત્યારે અચાનક તેમની પાછળથી આવેલી કારે તેમને ઉછાડ્યા આ પછી નશાની હાલતમાં રહેલા પોલીસકર્મીએ કાર અટકાવવા ના બદલે આગળ હંકારી દીધી હતી. જેના કારણે તેઓ ફરી એકવાર કારની નીચે આવી ગયા હતા.

આ ઘટના દરમિયાન આસપાસમાં ઉભેલા લોકોએ કારને અટકાવવાની સતત કોશિશો કરી રહ્યા હતા છતાં નશામાં રહેલા પોલીસકર્મીએ કાર રોકી નહોતી જોકે, ત્યાં હાજર લોકોએ કારને સતત રોકવાની સતત કરેલી કોશિશોમાં તેમને સફળતા મળી હતી. જે બાદ આ ઘટના અંગે પોલીસને જાણ થઈ અને પોલીસે આ વિષયમાં તપાસ કરીને આરોપી કાર ચાલક સામે ફરિયાદ નોંધીને વધુ તપાસ શરુ કરી છે.