સેમસંગે ઘટાડી એકદમ નવા સ્માર્ટફોનની કિંમત, અન્ય ઑફર્સ પણ અવેલેબલ
Samsung Galaxy A31ની કિંમતમાં ઘટાડો
નવી દિલ્હી: સેમસંગ ગેલેક્સી A31ની કિંમત ભારતમાં 1 હજાર રૂપિયા ઘટી ગઈ છે. કિંમતમાં કાપ ઉપરાંત સેમસંગે ફોન પર કેશબેકનું પણ એલાન કર્યું છે. સાઉથ કોરિયન કંપનીએ ગેલેક્સી A31 સ્માર્ટફોનને ગત મહિને જ લૉન્ચ કર્યો છે. હેન્ડસેટમાં ક્વૉડ રિયર કેમેરા અને 5000 mAh બેટરી જેવી ખાસિયતો છે. તાજેતરમાં જ કંપનીએ સેમસંગ ગેલેક્સી A51 સ્માર્ટફોન પર પણ ઑફર્સનું એલાન કર્યું છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
સેમસંગ ગેલેક્સી A31: ભારતમાં કિંમત અને ઑફર્સ
સેમસંગ ગેલેક્સી A31ની કિંમત ભારતમાં 21,999 રૂપિયાથી ઘટાડી 20,999 રૂપિયા કરી દેવામાં આવી છે. આ કિંમત 6GB રેમ તથા 128GB સ્ટોરેજ વેરિયન્ટ છે. સ્માર્ટફોન એમેઝોન ઈન્ડિયા અને સેમસંગ ઈન્ડિયાની વેબસાઈટ ઉપરાંત ઑફિશિયલ ઑફલાઈન સ્ટોર્સ પર ખરીદવા માટે ઉપલબ્ધ છે. ફોન પ્રિઝમ ક્રશ બ્લેક, પ્રિઝમ ક્રશ બ્લૂ અને પ્રિઝમ ક્રશ વ્હાઈટ કલરમાં આવે છે.
એક્સટ્રા કેશબેક પણ
સેમસંગે એક પ્રેસ રિલીઝ રજૂ કરીને જણાવ્યું કે, ગેલેક્સી A31 ખરીદવાનું પ્લાન કરી રહેલા લોકોને 1 હજારનું એક્સ્ટ્રા કેશબેક પણ મળશે. કેશબેકનો ફાયદો ICICI બેંક ક્રેડિટ કાર્ડ દ્વારા ટ્રાન્ઝેક્શન કરવા પર મળશે. હજુ એ સ્પષ્ટ થયું નથી કે, આ ઑફર ઑફલાઈન અને ઑનલાઈન બંને જગ્યાએ મળશે કે નહીં. સેમસંગ ઈન્ડિયાની વેબસાઈટ અને એમેઝોન પરથી ફોન ખરીદવા પર નો-કૉસ્ટ EMI ઑફર મળી રહી છે. આ ઉપરાંત પ્રાઈમ મેમ્બર્સ એમેઝોન પે ICICI બેંક ક્રેડિટ દ્વારા એમેઝોનથી ખરીદી કરવા પર 5 ટકાની છૂટ મેળવી શકે છે.
Samsung Galaxy A31 : સ્પેશિફિકેશન્સ
ગેલેક્સી A31માં 6.4 ઈંચ ફુલ એચ ડી+ (1080×2400 પિક્સલ) ઈન્ફિનિટી-યૂ ડિસ્પ્લે છે જે સુપર એમોલેડ પેનલથી સજ્જ છે. આ ફોનમાં ઑક્ટા-કોર મીડિયાટેક હીલિયો P65 પ્રોસેસર અને 6GB રેમ આપવામાં આવી છે. ફોનમાં 128GB ઈનબિલ્ટ સ્ટોરેજ છે જેને માઈક્રોએસડી કાર્ડથી 512GB સુધી વધારી શકાય છે. હેન્ડસેટ એન્ડ્રોયડ 10- પર ચાલે છે જેના પર OneUi સ્કિન છે.
ગેલેક્સી A31માં 48 મેગાપિક્સલ કેમેરાની સાથે 8 મેગાપિક્સલ અલ્ટ્રા-વાઈડ, 5 મેગાપિક્સલ ડેપ્થન અને 5 મેગાપિક્સલ સેન્સર આપવામાં આવ્યા છે. સેમસંગે સેલ્ફી અને વિડીયો કૉલિંગ માટે ફોનમાં 20 મેગાપિક્સલનો ફ્રન્ટ કેમેરા આપ્યો છે. ફોનને પાવર આપવા માટે 5000mAh બેટરી છે. કનેક્ટિવિટી માટે 4G VoLtE, Wi-fi, બ્લૂટૂથ, GPS/A-GPS અને USB ટાઈપ-સી પોર્ટ જેવા ફીચર્સ છે. ફોનમાં ઈન-ડિસ્પ્લે ફિંગરપ્રિન્ટ સેન્સર પણ છે.
Comments
Post a Comment