સોનાનું માસ્ક પહેરે છે આ વ્યક્તિ, કિંમત જાણીને ઉડી જશે હોશ

નવી દિલ્હીઃ કોરોના કાળમાં માસ્ક પહેરવું દરેક વ્યક્તિ માટે ફરજિયાત થયું છે. જોકે, આપણાં દેશમાં એવા લોકોની પણ ઉણપ નથી જે સોના પહેરવાનો ખૂબ શોખ ધરાવે છે. પુણેના એક વ્યક્તિએ કોરોનાથી બચવા માટે સોનાનું માસ્ક બનાવ્યું છે, જેની કિંમત 3 લાખ જેટલી હોવાનું કહેવામાં આવે છે. આ વ્યક્તિ ગોલ્ડમેનના નામથી પણ ઓળખવામાં આવે છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

3 લાખ રુપિયા છે કિંમત
પુણેથી નજીક પિંપરી ચિંચવડમાં રહેતા શંકર કુરહાડે સોનાનું માસ્ક પહેરીને ફરે છે. આ માસ્ક સાડા પાંચ તોલાનું છે અને તેની કિંમત આશરે 3 લાખ જેટલી હોવાનું કહેવામાં આવે છે. મીડિયા રિપોર્ટ અનુસાર આ દેશનું સૌથી મોંઘુ માસ્ક છે.

પહેરે છે 3 કિલો સોનું
કુરહાડેને સોનું પહેરવાનો ખૂબ જ શોખ છે. તેના ગળા, હાથમાં સોનાની મોટી મોટી ચેન જોવા મળે છે. એવું માનવામાં આવે છે કે તે સામાન્ય રીતે 3 કિલો સોનું તો પહેરીને જ ચાલે છે. સોનાના શોકના કારણે જ આ વ્યક્તિએ પોતાના માટે ગોલ્ડ માસ્ક તૈયાર કરાવ્યું છે.

હૈદરાબાદમાં જ્વેલર્સની દુકાન પર ગોલ્ડન માસ્ક
અમારા સહયોગી ટાઈમ્સ ઓફ ઈન્ડિયા અનુસાર, હૈદરાબાદના જ્વેલર્સે ગોલ્ડન ફેસ માસ્ક વેચવાનું ચાલું કર્યું છે. હૈદરાબાદની એક ફેમસ જ્વેલરી શોપે આ ટ્રેન્ડની શરુઆત કરી છે. આ માસ્કની કિંમત લાખોમાં છે. જોકે, મોટાભાગના લોકોનું એવું કહેવું છે કે આ માત્ર દેખાડો જ છે. આ માસ્ક પહેરીને લગ્નમાં જઈ શકાય છે પરંતુ કોરોના વાયરસથી બચાવ કરવામાં આ માસ્ક કારગર નથી.