કાનપુર એન્કાઉન્ટરઃ કોણ છે વિકાસ દુબે જેણે યુપી પોલીસને હચમચાવી નાખી?

કાનપુરમાં પોલીસ પર ફાયરિંગ

આરોપી વિકાસ દુબેને પકડવા ગયેલી પોલીસ પર ફાયરિંગ કરતા 8 પોલીસકર્મીઓ શહીદ થઈ ગયા. આ ઘટનાએ સમગ્ર દેશને હચમચાવી દીધો છે. આ પોલીસ પર હુમલાની અત્યાર સુધીની સૌથી મોટી ઘટના બતાવવામાં આવી રહી છે. વિકાસ દુબેનો ગુનાહિત ઈતિહાસ રહેવા સાથે તેની પર ઘણા ગંભીર કેસો નોંધાયેલા છે. તેની દરેક રાજકીય પાર્ટી સુધી પહોંચ હોવાના કારણે આજસુધી તેને પકડાયો નથી. તે ઘણી રાજકીય પાર્ટીઓમાં પણ રહ્યો. બિકરૂ ગામના વિકાસે પોતાના ઘરે એક કિલ્લાની જેમ બનાવી રાખ્યું હતું,જેમાં તેની મરજી વિના અંદર પહોંચવું પણ મુશ્કેલ હતું.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

પોલીસ સ્ટેશનની અંદર જઈને કરી હતી મંત્રીની હત્યા

વિકાસ દુબે એટલો દબંગ રહ્યો છે કે તેને કાયદાનો પણ ડર નથી. 2001માં વિકાસે પોલીસ સ્ટેશનની અંદર ઘુસીને બીજેપીના રાજ્યમંત્રી સંતોષ શુક્લાની હત્યા કરી દીધી હતી. સંતોષ શુક્લા હત્યાકાંડે સમગ્ર રાજ્યમાં હડકંપ મચાવી દીધો હતો પરંતુ પોલીસથી લઈને કાયદા સુધી કોઈ તેનું કશું ન બગાડી શક્યા.

કોઈ પોલીસકર્મી સાક્ષી ન બન્યો

વિકાસ દુબે કોઈ ફિલ્મી ખલનાયકથી ઓછો નથી. કહેવાઈ રહ્યું છે કે પોલીસ સ્ટેશનની અંદર ઘુસીની રાજ્યમંત્રીની હત્યાનો આરોપ લાગવા છતાં તેનું કશું ન થયું. આટલી મોટી ઘટનાને અંજામ આપવા છતાં કોઈ પોલીસકર્મીએ તેની વિરુદ્ધ જુબાની નહોતી આપી. કોઈ સાક્ષી કોર્ટમાં ન આવ્યો, જે બાદ તેને છોડી મૂકાયો.

પિતરાઈ ભાઈની હત્યામાં પણ નામ

વિકાસ દુબેનું નામ આ ઉપરાંત 2000માં કાનપુરની તારાચંદ ઈન્ટર કોલેજના સહાયક મેનેજર સિદ્ધેશ્વર પાંડેની હત્યામાં પણ આવ્યું હતું. આ જ વર્ષે તેના પર રામબાબુ યાદવની હત્યાનું ષડયંત્ર રચવાનો આરોપ લાગ્યો હતો. આ ષડયંત્ર તેણે જેલમાં બેસીને જ રચ્યું હતું. 2004માં એક કેબલ ઓપરેટર દિનેશ દુબેની હત્યાના મામલામાં પણ વિકાસનું નામ આવ્યું હતું. જ્યારે 2013માં તેણે હત્યાની એક મોટી ઘટનાને અંજામ આપ્યો હતો. વિકાસે 2018માં પોતાના પિતરાઈ ભાઈ અનુરાગ પર જીવલેણ હુમલો કરાવ્યો હતો. અનુરાગની પત્નીએ વિકાસ સહિત ચાર લોકો સામે ફરિયાદ નોંધાવી હતી.

તમામ રાજકીય પાર્ટીઓ સુધી પહોંચ

હિસ્ટ્રીશીટર વિકાસ દુબેની તમામ રાજકીય પાર્ટીઓ પર પકડ રહી છે. 2002માં બીએસપીની માયાવતી સરકાર દરમિયાન તેના નામનો ડંકો વાગતો હતો. તેના પર ગેરકાયદે જમીન ખરીદવાનો આરોપ છે. તેણે ગેરકાયદેસર કરોડો રૂપિયાની સંપત્તિઓ બનાવી હતી. બિઠૂરમાં તેના સ્કૂલ અને કોલેજ છે. તે એક લૉ કોલેજનો પણ માલિક છે.

જેલમાંથી જીત્યો હતો ચૂંટણી

વિકાસ દુબે જેલમાં જ રહ્યા દરમિયાન ચૂંટણી લડ્યો હતો અને શિવરાજપુરથી નગર પંચાયતની ચૂંટણી પણ જીત્યો હતો. કહેવાઈ રહ્યું છે કે બીએસપીના કાર્યકાળમાં તેની બીએસપીમાં ખાસ પહોંચ હતી. જેલમાંથી જ તે હત્યા સહિતની અનેક ઘટનાઓને અંજામ અપાવી દેતો હતો. તેના પર 60થી વધારે કેસ નોંધાયેલા છે.