બરફના પહાડો પર દુશ્મનોને હંફાવે છે ભારતીય સેના, અપાય છે આ ખાસ ટ્રેનિંગ

બરફના પહાડોમાં ઊંચું છે મનોબળ

ઊંચું મનોબળ ધરાવતા ભારતીય સેનાના જવાનો બરફના પહાડો વચ્ચે અને વિપરિત વાતાવરણ દરમિયાન પર્વતની ઊંચાઈએ બેઠેલા દુશ્મનોને હરાવવામાં પારંગત છે. લદાખની ગલવાન ઘાટીમાં ભારતીય સેનાના જવાનોએ દુશ્મનોનો સામનો કર્યો છે, દુશ્મનોને હરાવ્યા છે. તો ચાલો જાણીએ ભારતીય સેના માટે આ કેટલું મુશ્કેલ છે અને ત્યાં ભારતીય સેનાના સૈનિકો કેવી પરિસ્થિતિઓનો સામનો કરે છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

ઠંડી વધારે અને ઓક્સિજનનું પ્રમાણ ઓછું

શૂન્ય કરતા નીચેના તાપમાનની ઠંડી અને બરફના આ પહાડો પરની ઠંડા બરફ જેવી હવા. 14 હજાર ફૂટની ઊંચાઈએ આવેલા આ મેદાન વિસ્તારમાં 40 ટકા ઓછો ઓક્સિજન હોય છે. તેવામાં આ વાતાવરણમાં ટકી રહેવું તે પણ એક મોટો પડકાર હોય છે. ત્યાં હાથમાં બંદૂક લઈને દુશ્મોનો સામનો કરવો પણ મુશ્કેલ છે કારણકે ત્યાંનું વાતાવરણ એવું છે. કારણકે પર્વતની ઊંચાઈએ બેઠેલા દુશ્મનો પથ્થરનો પણ હથિયારની માફક ઉપયોગ કરે છે.

સૈનિકોને ખાસ ટ્રેનિંગ આપવામાં આવે છે

આ પ્રકારની જગ્યાએ દુશ્મનોનો સામનો કરવા માટે ભારતીય સેનાના સૈનિકોને ખાસ ટ્રેનિંગ આપવામાં આવે છે. સૈનિકો હથિયાર સહિત ભોજનનો સામાન પણ સાથે રાખે છે. જ્યારે પર્વત પર ઊંચાઈ સુધી પહોંચવાનું હોય ત્યારે 30થી 35 કિલોગ્રામનું વજન ઊંચકવાનું હોય છે. ત્યાં ઓક્સિજનનું પ્રમાણ ઓછું હોવાને કારણે સામાન ઊંચકીને જવું ખૂબ જ મુશ્કેલ હોય છે.

સાથે જ રાખવો પડે છે ભારે સામાન

ભારતીય સેના નિયમિતરીતે ઊંચા પર્વતીય વિસ્તારોમાં સૈનિકોને લડવા માટેની ટ્રેનિંગ આપે છે. કાશ્મીરના ગુલમર્ગમાં 9 હજાર ફૂટની ઊંચાઈએ બરફના આ યોદ્ધા તૈયાર કરવામાં આવે છે. તેઓને શૂન્ય અને તેના કરતા નીચેના તાપમાનમાં લડાઈ કરવા માટેની ટ્રેનિંગ આપવામાં આવે છે. સૈનિકોને તેવી પણ ટ્રેનિંગ આપવામાં આવે છે કે સિયાચિન જેવા વિસ્તારોમાં હિમસ્ખલન અને બરફના અન્ય પડકારોનો સામનો અને બચાવ કેવી રીતે કરવાનો છે.

કંઈક આવી હોય છે ઠંડીની અસર

17 હજાર ફૂટની ઊંચાઈએ ઠંડીની અસર સૈનિકો સહિત તેમના સામાન પર પડે છે. જવાનોએ દર અઠવાડિયે પોતાની બંદૂકો, તોપની બેરલમાં ગ્રીસ લગાવીને તૈયાર કરવી પડે છે. સૈન્યના વાહનો, મશીનો, જનરેટર વગેરેમાં ઉપયોગમાં લેવાતુ ડીઝલ પણ જામી જાય છે. તે પીગાળવું પડે છે. ત્યાં બેટરીઓ પણ લાંબો સમય ચાલતી નથી.