સુશાંતની બહેને શેર કરી ‘મામા-ભાણી’ની સુંદર તસવીર, થઈ વાયરલ

સુશાંતની યાદોથી છલકાયું સોશિયલ મીડિયા

સુશાંત સિંહ રાજપૂત નામનો બોલિવુડનો ચળકતો સિતારો 14 જૂને આથમી ગયો. સુશાંતે મુંબઈ સ્થિત પોતાના ઘરે ગળે ફાંસો ખાઈને જીવન ટૂંકાવ્યું હતું. માત્ર 34 વર્ષની ઉંમરે વ્હાલસોયા દીકરાને ગુમાવીને પરિવાર ભાંગી પડ્યો છે. સુશાંતના ફેન્સ અને ફ્રેન્ડ્સ તેની સાથેની યાદો સતત સોશિયલ મીડિયા પર શેર કરી રહ્યા છે. સુશાંતના મોત બાદ તેના જૂના વિડીયો અને તસવીરો સોશિયલ મીડિયા પર ખૂબ વાયરલ થઈ રહી છે. વાયરલ થઈ રહેલી એક તસીવર છે સુશાંતની તેની ભાણી સાથેની. આ તસવીર સુશાંતની બહેને શેર કરી છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

મામા-ભાણીની તસવીર

સુશાંતની બહેને શેર કરેલી તસવીર

સુશાંતની બહેન શ્વેતા સિંહ કીર્તિએ પોતાના સોશિયલ મીડિયા અકાઉન્ટ પર સુશાંત અને નાનકડી બાળકીની તસવીર શેર કરી છે. તસવીર જોઈને લાગી રહ્યું છે કે સુશાંત ભાણી સાથે કંઈક વાત કરી રહ્યો છે. આ તસવીર ફેન્સને ખૂબ પસંદ આવી રહી છે. સુશાંતના સારા દિવસોની તસવીર જોઈને ફેન્સ ભાવુક થઈ રહ્યા છે. સુશાંતની બહેને આ તસવીર શેર કરતાં લખ્યું, ‘સ્વીટહાર્ટ્સ, મામૂ સાથે ફ્રેયઝૂ.’

બહેને કહ્યું હતું અલવિદા

સુશાંતની બહેને મૂકેલી પોસ્ટ

આ પહેલા સુશાંતની બહેને પટના સ્થિત ઘરે યોજાયેલી પ્રાર્થના સભાની પણ તસવીર શેર કરી હતી. જેમાં તેણે લખ્યું હતું, ‘મારા નાના ભાઈને પોઝિટિવિથી ભરેલી વિદાય. આશા કરું છું કે તું જ્યાં પણ હોઈશ ત્યાં ખુશ રહીશ. અમે તને હંમેશા પ્રેમ કરતા રહીશું.’

CBI તપાસની ફેન્સની માગ

સુશાંત સિંહ રાજપૂતના મોતને 15 દિવસથી વધુ સમય વિતી ગયો છે અને પોલીસ આ મામલે તપાસ કરી રહી છે. સુશાંતની કથિત ગર્લફ્રેન્ડ રિયા ચક્રવર્તી અને તેની છેલ્લી ફિલ્મ ‘દિલ બેચારા’ની કો-એક્ટ્રેસ સંજના સાંઘી સહિત કુલ 28 લોકોની આ મામલે પૂછપરછ કરી છે. તો આ તરફ સુશાંતના ફેન્સ સતત CBI તપાસની માગ કરી રહ્યા છે. સુશાંતના મોત પછી બોલિવુડમાં નેપોટિઝમનો મુદ્દો ગરમ છે.