દીપિકા કક્કડને ખૂબ લાડ લડાવે છે સાસુ, તેના કહેવા પર બનાવી આપી આ વાનગી

પરિવાર સાથે સમય પસાર કરી રહી છે દીપિકા

છેલ્લે સીરિયલ ‘કહાં હમ કહાં તુમ’માં જોવા મળેલી એક્ટ્રેસ દીપિકા કક્કડ હાલ ઘરે છે અને પરિવાર સાથે સમય પસાર કરી રહી છે. એક્ટ્રેસને કૂકિંગ કેટલું પસંદ છે તે તો તેના ફેન્સ જાણ છે. તે કૂકિંગની સાથે બેકિંગ પણ કરી રહી છે. થોડા દિવસ પહેલા તેણે પતિ શોએબના બર્થ ડે પણ અને ત્યારબાદ સાસુ-સસરાની વેડિંગ એનિવર્સરી પર પણ યમ્મી કેક બનાવી હતી. દીપિકા એક દીકરીની જેમ સાસુ-સસરાનું ધ્યાન રાખે છો તો બીજી તરફ એક્ટ્રેસના સાસુ પણ તેને ખૂબ લાડ લડાવે છે.

દીકરીની જેમ લાડ લડાવે છે સાસુ

દીપિકાએ હાલમાં જ ઈન્સ્ટાગ્રામ પર એક તસવીર શેર કરી હતી. અત્યારસુધીમાં વાયરલ થયેલી તસવીરોમાં દીપિકા જ કૂકિંગ કરતી જોવા મળી છે પરંતુ એક્ટ્રેસે શેર કરેલી તસવીરમાં તેના સાસુ રસોડામાં કૂકિંગ કરતાં જોવા મળ્યા. જેના કેપ્શનમાં એક્ટ્રેસે લખ્યું છે કે, તેના કહેવા પર અમ્મીએ આજે પકોડા બનાવ્યા છે.

ગજબનું છે સાસુ-વહુનું બોન્ડિંગ

તસવીરમાં સાસુ-વહુ બંને ટ્રેડિશનલ આઉટફિટમાં જોવા મળ્યા. ‘સસુરાલ સિમર કા’ના કો-એક્ટર સાથે પરણનારી દીપિકાનું તેના સાસુ સાથેનું બોન્ડિંગ ગજબનું છે. એક્ટ્રેસને ‘અમ્મી’ સાથે ટાઈમ સ્પેન્ડ કરવો ખૂબ ગમે છે.

આ રીતે સેલિબ્રેટ કરી હતી ઈદ

લોકડાઉન દરમિયાન પણ દીપિકા અને તેના પરિવારના સભ્યો સાથે સમય પસાર કરતા જોવા મળ્યા હતા. બધા સાથે મળીને દરેક દિવસને સ્પેશિયલ બનાવ્યો હતો. આ સિવાય તેણે ઘરે બિરયાની બનાવીને ઈદ પણ મનાવી હતી.