મુંબઈમાં ભારે વરસાદની આગાહી, લોકોને ઘરમાં રહેવાની સલાહ

મુંબઈ: ભારતીય હવામાન વિભાગે ગુરુવારના દિવસે મુંબઈ અને તેની આસપાસના તટીય વિસ્તારોમાં મૂશળધાર વરસાદનું અનુમાન કરતા આગામી બે દિવસ માટે ઓરેન્જ એલર્ટ જાહેર કરવામાં આવ્યું છે. મતલબ કે અહીં ભારે વરસાદની આગાહી છે. આ વખતે મુંબઈમાં સામાન્યથી વધારે વરસાદ પડી શકે છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

હવામાન ખાતાના એક અધિકારીએ જણાવ્યું કે શુક્રવાર અને શનિવાર માટે ઓરેન્જ એલર્ટ જાહેર કરવામાં આવ્યું છે. વહીવટીતંત્ર અને લોકોને સતર્ક કહેવા માટે જણાવાયું છે. મુંબઈ પોલીસે ભારે વરસાદના એલર્ટને ધ્યાનમાં રાખતા લોકોને ઘરમાંથી બહાર નહીં નીકળવા માટેની અપીલ કરી છે. મુંબઈ પોલીસે ટ્વિટ કરતા લખ્યું કે ભારે વરસાદનું એલર્ટ. હવામાન વિભાગે પણ મુંબઈના લોકોને ઘરમાં રહેવાની અને કારણ વિના ઘરની બહાર નહીં નીકળવાની સલાહ આપી છે.

#HeavyRainfallAlert

The @Indiametdept has forecasted ”heavy to very heavy rain at isolated places” for Fri & Sat for Mumbai.
All citizens are advised to remain indoors, not venture out unnecessarily and take necessary precautions.#MumbaiRains

— Mumbai Police (@MumbaiPolice) July 2, 2020

ઓરેન્જ એલર્ટનો મતલબ શું હોય છે?

ઓરેન્જ એલર્ટનો મતલબ થાય છે ભારેથી અતિભારે વરસાદની આગાહી છે. જ્યારે રેડ એલર્ટનો મતલબ થાય છે અતિશય ભારે વરસાદની સંભાવના છે. આ સિવાય ગ્રીન કલરનો મતલબ થાય છે કે કોઈ રિસ્ક નથી અને યલો કલરનો મતલબ ખૂબ ઓછા વરસાદની સંભાવના છે.