ભારતે તો હવે પ્રતિબંધ લગાવ્યો, ચીનમાં તો પહેલેથી બેન છે ટિકટૉક
ભારત સરકારને અપીલ કરી રહી છે ચાઈનીઝ કંપનીઓ
નવી દિલ્હી: ભારત સરકારે TikTok સહિત 59 ચાઈનીઝ એપ પર પ્રતિબંધ મૂકી દીધો છે. આના પછી ચાઈનીઝ કંપનીઓ દ્વારા સરકારને અપીલ કરવામાં આવી રહી છે કે તે ભારતીય યૂઝર્સનો ડેટા ચાઈનીઝ સરકાર સાથે શેર નહોતી કરી રહી. ટિકટૉકના CEO કેવિન મેયરે ભારત સરકારને ચીઠ્ઠી લખીને કહ્યું કે, ચાઈનીઝ સરકારે ક્યારેય યૂઝર્સના ડેટાની માગણી કરી નથી.
ચીનમાં પહેલેથી બેન છે ટિકટૉક
તમે એ જાણીને આશ્ચર્યમાં પડી જશો કે, ટિકટૉક અત્યારે ભારતમાં બંધ કરાયું છે પણ ચીનમાં તો તે બહુ પહેલેથી બેન છે. જોકે, આ એપ જે કંપની(ByteDance)ની છે તે ચાઈનીઝ જ છે. ભારત સરકાર દ્વારા બેન પ્રતિબંધ લગાવાયા બાદ તેણે બેઈજિંગથી દૂરી બનાવી લીધી છે. કંપની સતત સ્પષ્ટતા આપી રહી છે કે ભારતીય યૂઝર્સનો ડેટા સિંગાપોરના સર્વરમાં સેવ થઈ રહ્યો છે અને ચીનની સરકારે ન ક્યારેય ડેટાની માગણી કરી છે અને ન કંપની ક્યારેય આવી રિક્વેસ્ટને પૂરી કરશે.
2017માં લૉન્ચ થઈ હતી ટિકટૉક
ByteDanceની સ્થાપના 2012માં થઈ હતી. કંપનીએ 2016માં ચાઈનીઝ માર્કેટ માટે Douyin એપ લૉન્ચ કરી હતી, જે ટિકટૉક જેવી જ છે. જોકે, તે ત્યાંના આકરાના નિયમો અનુસાર કામ કરે છે. બીજા વર્ષે એટલે કે, 2017માં ByteDanceએ TikTokને દુનિયાના માર્કેટમાં લૉન્ચ કરી. આ એપ પર ચીનમાં બેન છે, અથવા એમ કહો કે, ચીનના માર્કેટમાં તેને લૉન્ચ જ કરવામાં આવી નથી કારણે કે, ત્યાં બહુ બધી બાબતો પર પાબંદીઓ છે. કંપનીએ બંને એપ માટે અલગ-અલગ સર્વરનો ઉપયોગ કર્યો છે.
Feishu Workplace એપને ચીને બંધ કરાવી
કોરોના સંકટના સમયમાં ચીનમાં બાઈટડાન્સની એક એપ Feishu Workplace અત્યંત પૉપ્યુલર થઈ. જોકે, સરકારે કંપનીને આ એપ બંધ કરવાનો આદેશ આપ્યો. બાઈટડાન્સની ત્યાંની સરકરા સાથે સતત ટક્કર થતી રહે છે.
પ્રતિબંધથી ચીનને ભારે નુકસાન
જણાવી દઈએ કે, ભારતમાં ટિકટૉકના આશરે 11.9 કરોડ યૂઝર્સ છે. કેટલાક રિપોર્ટ અનુસાર, ભારતમાં બાઈટડાન્સ કંપનીના ટિકટૉક, હેલો જેવી એપ થવાને કારણે કંપનીને આ વર્ષે આશરે 45000 કરોડ રૂપિયાનું નુકસાન થઈ શકે છે કારણ કે, કંપનીનો ફાયદો ખૂબ જ ઝડપથી વધી રહ્યો હતો.
Comments
Post a Comment