કોરોનાને અટકાવવા ભારતમાં કામ લાગી શકે સોશિયલ બબલ મોડેલ?

સોશિયલ બબલ એટલે પરિવારના સભ્ય, મિત્ર અથવા સાથી કર્મચારીઓ જે હંમેશાં મળતા હોય છે. તેમના જૂથને સોશિયલ બબલ કહેવામાં આવે છે.સોશિયલ બબલ પદ્ધતિમાં આવા લોકોને જ એકબીજા સાથે નિશ્ચિત અંતર રાખીને મળવાની મંજૂરી આપવામાં આવે છે.મહત્વનું છે કે અનેક સંશોધનો મુજબ જ્યારે વ્યક્તિ પોતાના પરીચિત વ્યક્તિને મળે છે ત્યારે માનસિક રીતે મજબૂત રહે છે. લંડન સ્કૂલ ઓફ ઈકોનોમિક્સ એન્ડ પોલિટિકલ સાયન્સના રિસર્ચમાં પણ સામે આવ્યું કે,આ મોડેલ એવા લોકોને રાહત આપશે જે સંક્રમણના હાઈ રિસ્ક ઝોનમાં રહે છે. તેમને વધારે સંભાળની જરૂર છે. આ મોડેલથી એક માનસિક સધિયારો મળે છે.લોકડાઉનના કારણે તણાવમાં છે અથવા તેમની આર્થિક સ્થિતિ સારી નથી, તેવામાં પરિવારનો સાથે મળે તો પરિસ્થિતિને સુધારી શકાય છે. ઓક્સફોર્ડ યુનિવર્સિટીના રિસર્ચ અનુસાર સોશિયલ બબલ આઈસોલેશન કરતાં વધારે સારું છે. આઈસોલેશનમાં વ્યક્તિ માનસિક રીતે જલ્દી તૂટી જાય છે જેની સીધી અસર તેની રોગપ્રતિકારક શક્તિ પર પડે છે.