મહિલાએ અગાસીને જ બનાવ્યો બગીચો, માટી વગર જ આ રીતે ઉગાડે છે ફળ-શાકભાજી

પુણેઃ શું તમે ક્યારેય માટી વગર છોડવા ઉછેરવાનો વિચાર પણ કર્યો છે? જો નથી વિચાર્યું તો….તમારે પુણેમાં રહેતી નીલા રેનાવિકર વિશે જાણવાની જરુર છે. નીલા, એક કોસ્ટ એકાઉન્ટન્ટ તેમજ મેરાથોન રનર છે. જોકે, ગત 10 વર્ષથી તે માટી વગર જ ફળ, શાકભાજી વગેરે ઉગાડી રહ્યાં છે. ખરેખર, તેમનો 450 સ્ક્વેર ફૂટનું ટેરેસ ગાર્ડન તમને ખેતરમાં હોય તેવી જ લાગણી અપાવે છે. અહીં ખીરા કાકડી, બટેટા, શેરડીથી લઈને બધું જ ઉગે છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

આવી રીતે ઉગે છે ફળ-શાકભાજી
નીલા રેનાવિકર સૂકેલા પત્તા, રસોડામાંથી નીકળેલો કચરો અને છાણમાંથી છોડ માટે ખાતર તૈયાર કરે છે. તેમના જણાવ્યાનુસાર,’માટી વગર જ આ ખાતર પાનના કારણે લાંબા સમય સુધી ભેજ રહે છે. જેથી છોડ પણ સ્વસ્થ રહે છે. આ સાથે જ ખાતર પણ છોડ માટે સારુ વાતાવરણ તૈયાર કરે છે.’ તેમણે ઉમેર્યું હતું કે,’હું કોઈ ખાસ ટેક્નીકનો ઉપયોગ નથી કરતી. બસ આ માટે મહેનત અને સમય આપવો પડે છે.’

દોસ્તોની પણ લીધી છે મદદ
‘ધ બેટર ઈન્ડિયા’ના રિપોર્ટ અનુસાર, નીલા પર્યાવરણને ખૂબ જ પ્રેમ કરે છે. જોકે, તેને એ સમજમાં નહોતું આવતું કે રસોડામાંથી જે પણ કચરો નીકળે છે તેનું શું કરવું જોઈએ? આથી તેણે એવા દોસ્તોની મદદ લીધી જે કમ્પોસ્ટિંગ કરતાં હતાં. પછી તો શું… તેમણે રસોડાના કચરાને અલગ કરવો અને તેનું કમ્પોસ્ટિંગ પણ શીખી લીધું

આવી રીતે તૈયાર કર્યું ખાતર
નીલાએ ઈન્ટરનેટની મદદથી જ માટી વગર જ કેવી રીતે છોડ ઉગાડવો તેની ટેક્નીક શીખી હતી. જેમ કે, કેવી રીતે છોડ માટે જમીન તૈયાર કરવી? તેને કેટલું પાણી આપવું જોઈએ? તેમના માટે કયું ખાતર વધારે જરુરી છે? થોડા સમય પછી તેમણે ઘરે જ કમ્પોસ્ટ બનાવવાનું શરુ કર્યું. જે માટે તેમણે એક ડબ્બામાં સૂકા પાન, છાણ નાખ્યા અને પછી દર અઠવાડિયે રસોડાનો કચરો તેમાં નાખતી હતી. એક મહિનામાં તો ખાતર તૈયાર થઈ ગયું.

માટી વગર ખેતીના ફાયદા
શરુઆતમાં આ કમ્પોસ્ટને એક બાલટીમાં નાખીને તેમાં ખીરા(કાકડી)ના બીજ રાખ્યા હતાં. તેને બરાબર પાણી આપતા રહ્યાં. 40 દિવસ પછી તેમાં બે ખીરા ઉગી નીકળ્યાં. બસ આ જ ઘટનાએ તેને હિંમત આપી અને પછી મરચાં, ટમેટાં, બટેટા વગેરે ઉગાડવા લાગ્યાં. નીલાએ કહ્યું કે,’માટી વગરની ખેતીના 3 મોટા ફાયદા છે. પહેલું એ કે જીવાત નથી થતી. બીજું ફાલતું ઘાસ નથી ઉગતું, ત્રીજું માટીવાળી ખેતીમાં છોડને પોષણ અને પાણી જોઈએ, જે અહીં પણ સરળતાથી મળી જાય છે.’

આ બહાને કરે છે રિસાઈકલિંગ
મતલબ કે જે જૂના ડબ્બાઓ, પ્લાસ્ટિકના વાસણો વગેરેમાં પણ છોડ ઉગાડે છે. તેમના બગીચામાં એવા આશરે 100 ડબ્બાઓ છે, જેને હજુ પણ વધારવાનો તે વિચાર કરી રહી છે. આ ગાર્ડનમાં ઉગેલા શાકભાજી અને ફળ તે દોસ્તો અને સંબંધીઓને પણ આપે છે. નોંધનીય છે કે નીલાએ થોડા સમય પહેલા જ દોસ્તો સાથે ‘ઓર્ગેનિક ગાર્ડનિંગ ગ્રુપ’ નામથી એક ફેસબુક ગ્રુપ બનાવ્યું હતું. જેથી આશરે 30000 લોકો જોડાઈ ચૂક્યા છે. જ્યાં નીલા ગાર્ડનિંગથી જોડાયેલી ટિપ્સ અને ટ્રિક્સ શૅર કરે છે.