અસલ જિંદગીમાં મેરેજ લાઈફથી ખૂબ ખુશ છે ‘ધ કપિલ શર્મા શો’નો કુંવારો ‘બચ્ચા યાદવ’
ઘર-ઘરમાં જાણીતું બન્યું ‘બચ્ચા યાદવ’નું પાત્ર
‘ધ કપિલ શર્મા શો’ ટીવી પરના સૌથી પોપ્યુલર શો પૈકીનો એક છે. કપિલ શર્મા ઉપરાંત સુમોના ચક્રવર્તી, કૃષ્ણા અભિષેક, કિકુ શારદા અને ચંદન પ્રભાકર સહિતના કલાકારો દર્શકોનું ખૂબ મનોરંજન કરે છે. કિકુ શારદા દ્વારા ભજવવામાં આવી રહેલું ‘બચ્ચા યાદવ’નું પાત્ર આજે ઘર-ઘરમાં જાણીતું બની ગયું છે. તેની કૉમેડી લોકોને ખૂબ ગમે છે. બચ્ચા યાદવ શોમાં તો કુંવારો છે પણ અસલ જીવનમાં એક ખુશહાલ મેરેજ લાઈફ જીવી રહ્યો છે અને તેના બે બાળકો પણ છે. આવો જાણીએ કે, બચ્ચા યાદવ એટલે કે, કિકુ શારદાના જીવન સાથે જોડાયેલી કેટલીક રસપ્રદ વાતો
કિકુ શારદાની મેરેજ લાઈફ
રિપોર્ટ્સ અનુસાર, 2003માં જ્યારે કિકુએ એક્ટિંગની દુનિયામાં કરિયર શરૂ કર્યું ત્યારે જ તેના લગ્ન પ્રિયંકા સાથે થઈ ગયા હતા. તેના બે પુત્રો આર્યન અને શૌર્ય છે. તે પોતાની મેરેજ લાઈફથી ખૂબ જ ખુશ છે અને પત્નીને પોતાનો લકી ચાર્મ માને છે કારણ કે, લગ્ન બાદ તેના કરિયરનો ગ્રાફ વધતો ગયો. કિકુ ક્યારેક-ક્યારેક પોતાની પત્ની અને બાળકો સાથેની તસવીરો સોશિયલ મીડિયા પર શેર કરે છે.
2001માં થઈ કરિયરની શરૂઆત
રિપોર્ટ્સ મુજબ કિકુ સૌથી પહેલા 2001માં આવેલી ફિલ્મ ‘મિટ્ટી’માં કામ કર્યું હતું. જોકે, બાદમાં 2004 સુધી રાહ જોવી પડે અને તે વર્ષે આવેલી ટીવી સીરિયલ ‘કભી હા કભી ના’માં તે ફરી એકવાર એક્ટિંગ કરતો દેખાયો. જોકે, તેને અહીં પણ વધારે ઓળખાણ ન મળી. ત્યારબાદ તેણે ‘હાતિમ’માં કામ કર્યું જ્યાંથી તેનો ચહેરો લોકોમાં જાણીતો બન્યો. કૉમેડી ટીવી સીરિયલ ‘FIR’ કિકુ માટે સૌથી મોટો બ્રેક રહ્યો. આમાં તેણે 9 વર્ષ સુધી કામ કર્યું. હવે કિકુ ‘ધ કપિલ શર્મા શો’ સાથે જોડાયેલો છે જેનાથી તેને લોકો ઘર-ઘરમાં ઓળખવા લાગ્યા છે.
‘કપિલ શર્મા શો’માં કેટલી ફી મળે છે
ઉલ્લેખનીય છે કે, કિકૂ શારદા શોમાં બહુ બધા પાત્રો ભજવે છે અને એક એપિસોડ માટે આશરે 5થી 7 લાખ રૂપિયા ચાર્જ કરે છે.
મ્યૂઝિક અને પુસ્તકો પ્રત્યે છે પ્રેમ
કિકુ પોતાના ફ્રી ટાઈમમાં પત્ની સાથે લૉન્ગ ડ્રાઈવ પર જવાનું પસંદ કરે છે. તેને મ્યૂઝિક અને પુસ્તકોથી પણ ખૂબ જોડાણ છે. કિકુ સિરીયલ્સ ઉપરાંત ઘણી ફિલ્મોમાં પણ કામ કરી ચૂક્યો છે. થોડા સમય પહેલા જ ઈરફાન ખાનની છેલ્લી ફિલ્મ ‘અંગ્રેજી મીડિયમ’માં પણ તે જોવા મળ્યો હતો.
Comments
Post a Comment