આ પ્રકારની ફિલ્મો જોતા લોકો કોરોનાનો સામનો કરવા તૈયાર: રિસર્ચ

આ પ્રકારની ફિલ્મો જોતા લોકો માનસિકરીતે મજબૂત!

સમગ્ર દેશ-દુનિયામાં કોરોના વાયરસના કેસમાં વધારો થઈ રહ્યો છે. હવે એક રિસર્ચમાં એવું સામે આવ્યું છે કે જે લોકો ડરામણી, વિનાશકારી, વાયરસ ફેલાતો હોય તેવી, એલિયન્સ સંબંધિત અને પૃથ્વીનો અંત આવી જવાનો છે તે પ્રકારની ફિલ્મો જોવાના શોખીન છે તેઓ કોરોના વાયરસની મહામારીનો સામનો કરવા માટે માનસિકરીતે વધુ મજબૂત હોય છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

કોરોનાની પરિસ્થિતિમાં માનસિકરીતે મજબૂત

વિદેશની એક યુનિવર્સિટીમાં થયેલા રિસર્ચના પરિણામમાં એવું સામે આવ્યું છે કે દુનિયાનો વિનાશ થવાનો હોય કે પછી માનવજાતિ પર કોઈ મોટું સંકટ આવવાનું હોય તે પ્રકારની કે પછી હોરર ફિલ્મો જોતા લોકોમાં કોરોના વાયરસ જેવી મહામારીનો સામનો કરવાની માનસિક ક્ષમતા વધારે હોય છે.

ફિલ્મોની દુનિયાથી વાસ્તવિકતા તરફ

આ રિસર્ચમાં એવું પણ સામે આવ્યું છે કે બીજા ગ્રહોની વાર્તા, બીજી દુનિયા, એલિયન, ઝોમ્બી, હોરર, દુનિયાનો વિનાશ થવાનો હોય કે પછી માનવજાતિ પર કોઈ મોટું સંકટ આવવાનું હોય તે પ્રકારની ફિલ્મો જોવાના શોખીનો માનસિકરીતે વધુ મજબૂત હોય છે. કોરોના વાયરસની મહામારી પ્રકારની પરિસ્થિતિઓનો સામનો કરવા માટે તેઓ માનસિકરીતે તૈયાર હોય છે.

વિકટ પરિસ્થિતિઓનો સામનો કરવા તૈયાર

આ રિસર્ચમાં એવું પણ સામે આવ્યું છે કે આ પ્રકારની ભયાનક અને ડરામણી વાર્તાઓના સંપર્કમાં આવવાથી તેઓ વાસ્તવિક દુનિયામાં જોવા મળતી વિવિધ પરિસ્થિતિઓનો સામનો કરવા માટે તૈયાર રહે છે. કોરોના વાયરસની મહામારીમાં આ પ્રકારની ફિલ્મો જોતા લોકો કોઈપણ પ્રકારની સ્થિતિનો સામનો કરવા માટે માનસિક રીતે તૈયાર હોય છે તેવું આ રિસર્ચમાં સામે આવ્યું છે.