વ્હોટ્સએપ હવે બન્યું વધુ મજેદાર, નવું ફીચર જોયું?

નવી દિલ્હી: વ્હોટ્સએપ છેલ્લા થોડા સમયથી પોતાના પ્લેટફોર્મ્સ પર એનિમેટેડ સ્ટીકર્સ લાવવા પર કામ કરી રહ્યું છે. ગત સપ્તાહે જ ફેસબુકની માલિકીવાળી આ એપે પોતાના બીટા યૂઝર્સ માટે એનિમેટેડ સ્ટિકર્સને વ્યૂ કરનારી અપડેટ રોલ આઉટ કરી હતી. હવે કંપનીએ નવી અપડેટ સાથે બીટા એપ્સમાં એનિમેટેડ સ્ટિકર પેક્સ ડાઉનલોડ કરવાનું ફીચર આપી દીધું છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો

WABetainfoના રિપોર્ટ અનુસાર, વ્હોટ્સએપનું આ આવનારું એનિમેટેડ સ્ટિકર્સ ફીચર ત્રણ ભાગોમાં છે. સૌથી પહેલા યૂઝર્સને એનિમેટેડ સ્ટિકર્સ વ્યૂ કરવાનો ઑપ્શન મળશે, એટલે કે, યૂઝર્સ રિસીવ થનારા એનિમેટેડ સ્ટીકર્સને સેવ અને સેન્ડ કરી શકશે. બીજા હિસ્સા અંતર્ગત એપમાં જ થર્ડ પાર્ટીથી સ્ટીકર પેક્સ ઈમ્પોર્ટ કરી શકશે. ત્રીજા પાર્ટમાં વ્હોટ્સએપ સ્ટોરથી ડિફોલ્ટ સ્ટિકર પેક્સ ડાઉનલૉડ કરવાનું ઑપ્શન મળશે.

વ્હૉટ્સએપની બ્લૉગ વેબસાઈટ અનુસાર, વ્હોટ્સએપે આ ફીચરના ત્રીજા હિસ્સાને રોલ આઉટ કરવાનું શરૂ કરી દીધું છે જેનાથી યૂઝર્સ વ્હોટ્સએપ સ્ટોરમાંથી એનિમેટેડ સ્ટિકર્સ ડાઉનલોડ કરી શકશે. કંપનીએ એન્ડ્રોયડ અને iOS બીટા એપ યૂઝર્સ માટે Playful Piyomaru નામનું પહેલું એનિમેટેડ સ્ટીકર પેક રિલીઝ કરી દીધું છે. કંપનીના એન્ડ્રોયડ બીટા એપ યૂઝર્સ એન્ડ્રોયડ બીટા એપ વર્ઝન 2.20.195.1ને રોલઆઉટ કરી નવા ફીચરને યૂઝ કરી શકાય છે. બીજી તરફ આઈફોન એપ યૂઝર્સને આ ફીચર યૂઝ કરવા માટે બીટા વર્ઝન 2.20.70.26 ડાઉનલોડ કરવું પડશે.

નોંધવા જેવી વાત એ છે કે, નવા રિલીઝ થયેલા સ્ટિકર પેકમાં એનિમેશન આપવામાં આવ્યું છે પણ આ સ્ટિકર્સ એપ લૂપમાં એનિમેશન પ્લે નથી કરતા. સ્પષ્ટ શબ્દોમાં કહીએ તો નવા રિલીઝ થયેલા સ્ટિકર પેકમાં લૂપવાળા એનિમેશન સ્ટિકર્સ નથી. અત્યારે એ સ્પષ્ટ નથી કે, ઈન્સ્ટન્ટ મેસેજિંગ એપ પોતાના એનિમેટેડ સ્ટિકર્સને લૂપમાં એનિમેશન પ્લે કરવાનું ફીચર લાવવાની યોજના બનાવી રહી છે કે નહીં.