બોયફ્રેન્ડને મળીને ખુશ-ખુશ થઈ ગઈ હિના ખાન, આપ્યા રોમાન્ટિક પોઝ

રોકીના ગળાડૂબ પ્રેમમાં છે હિના

હિના ખાન અને રોકી જયસ્વાલ એકબીજાના ગળાડૂબ પ્રેમમાં છે. એક્ટ્રેસ હંમેશા પોતાના ઈન્સ્ટાગ્રામ પર રોકી પ્રત્યેનો પ્રેમ વ્યક્ત કરતી રહે છે. આ સિવાય તે તેની સાથેની રોમાન્ટિક તસવીરો પણ શેર કરતા ખચકાટ અનુભવતી નથી. આ સિવાય તે રોકીએ લખેલા ક્વોટ્સ અને કવિતા પણ શેર કરતી રહે છે.

‘લેડી લવ’ને મળવા પહોંચ્યો રોકી

કોરોના વાયરસના કારણે હિના ખાન અને રોકી જયસ્વાલ એકબીજાને મળવાનું ટાળી રહ્યા છે. જો કે, હાલમાં જ રોકી ‘લેડી લવ’ને મળવા માટે તેના ઘરે પહોંચી ગયો હતો. જેની તસવીરો હિના ખાને ઈન્સ્ટાગ્રામ સ્ટોરીમાં શેર કરી છે.

હિનાએ શેર કરી તસવીરો

હિનાએ જે તસવીરો શેર કરી છે તેમાં તે લાઈટ પિંક કલરના ડ્રેસમાં જોવા મળી જ્યારે રોકીએ ઓફ-વ્હાઈટ કલરનો કૂર્તો પહેર્યો હતો. તસવીરના કેપ્શનમાં હિનાએ લખ્યું છે કે, ‘હંમેશા મારી પડખે રહેતો…હંમેશા…માય મેન @rocky1’. બીજી તસવીરમાં હિના ખાને લખ્યું છે કે, ‘પ્યોર લવ…જસ્ટ લવ’.

લાંબા સમયથી કરી રહ્યા છે ડેટ

રોકી અને હિના ‘યે રિશ્તા ક્યા કહેલાતા હૈ’ના સમયથી એકબીજાને ડેટ કરી રહ્યા છે. બંને એકબીજાના પરિવાર સાથે પણ હળીભળી ગયા છે. આ સિવાય તેઓ બધા તહેવાર પણ સાથે ઉજવે છે અને તેની તસવીરો સોશિયલ મીડિયા પર શેર કરે છે.