બહેન શ્વેતા માટે સુશાંતે પોતાના હાથે લખી હતી નોટ, ઈન્સ્ટાગ્રામ પર કરી શેર

પરિવારજનો-દોસ્તો હજુ આઘાતમાં

સુશાંત અને તેની બહેન શ્વેતા

સુશાંત સિંહ રાજપૂતના અવસાનથી બોલિવૂડ પાસેથી એક શાનદાર કલાકાર છીનવાઈ ગયો પણ બોલિવૂડથી વધુ નુકસાન તેના પરિવારના લોકો, દોસ્ત અને ફેન્સને થયું છે. ફેન્સ હજુ પણ એ સ્વીકારી શકતા નથી કે, તેમનો ફેવરેટ એક્ટર હવે આ દુનિયામાં રહ્યો નથી. સુશાંતની અમેરિકા રહેતી બહેન શ્વેતા સિંહ કીર્તિએ સુશાંતના હાથે લખેલી એક ઈમોશનલ પોસ્ટ શેર કરી છે.

બહેને શેર કરી સુશાંતે તેના માટે લખેલી નોટ

સુશાંતે બહેન માટે લખેલી નોટ

આના પહેલા પણ શ્વેતાએ સુશાંત માટે ઘણી બધી ઈમોશનલ પોસ્ટ શેર કરી છે. સુશાંતના હાથે લખેલી તે નોટમાં તેણે પોતાની મોટી બહેન માટે પોતાનો પ્રેમ વ્યક્ત કર્યો છે. તાજેતરમાં શ્વેતાએ એક જૂની તસવીર શેર કરી હતી જેમાં સુશાંત પોતાની ભાણી એટલે કે શ્વેતાની પુત્રી સાથે દેખાઈ રહ્યો હતો. શ્વેતાની આ પોસ્ટથી ખબર પડે છે કે, તે પોતાના નાના ભાઈ સુશાંતને કેટલો મિસ કરી રહી છે.

સુશાંત માટે શ્વેતાની પોસ્ટ જોઈ આંખો ભીની થઈ જશે

ભાઈ-બહેન વચ્ચે હતુ ખૂબ સારું બોન્ડિંગ

આના પહેલા પોતાના ભાઈને ગુડબાય કહેતા શ્વેતાએ એક લાંબી પોસ્ટ લખી હતી. આમાં તેણે લખ્યું હતું કે, ‘મારા બેબી, મારા બાબૂ બચ્ચા હવે અમારી સાથે હાજર નથી અને ઠીક છે… મને ખબર છે કે, તું ખૂબ પરેશાન હતો અને મને ખબર છે કે, તું એક ફાઈટર હતો, તે આ લડાઈને ખૂબ બહાદુરીથી લડી. સૉરી મારા શોના, સોરી, તું જે તકલીફોમાંથી પસાર થયો, કાશ હું તારી બધી પીડા લઈ શકી હોત અને મારી બધી ખુશીઓ આપી શકી હોત. તારી ચમકીલી આંખોએ દુનિયાને જણાવ્યું કે, સપના કેવા જોવા જોઈએ. તારું પ્રામાણિક હાસ્ય તારા દિલની સચ્ચાઈ દેખાડતી હતી. તને હંમેશાં પ્રેમ કરવામાં આવશે બેબી, અને વધુ… તું જ્યાં પણ હોય મારા બેબી, ખુશ રહેજે. બધા તને પ્રેમ કરે છે અને કોઈ શરત વિના તને પ્રેમ કરતા રહેશે.’

સુશાંતના અંતિમ સંસ્કારમાં શામેલ ન થઈ શકી

ભાઈને અંતિમ વિદાય ન આપી શકી શ્લેતા

જણાવી દઈએ કે, શ્વેતા અમેરિકામાં રહે છે. સુશાંતના આત્મહત્યા કર્યા બાદ તે તેના અંતિમ સંસ્કારમાં પણ શામેલ થઈ શકી નહીં નહોતી કારણ કે, કોરોના વાયરસને લીધે ખૂબ ઓછી ફ્લાઈટ્સ ચાલી રહી છે અને તેને ભારત આવવા માટે કોઈ ફ્લાઈટ મળી નહોતી. અત્યારે શ્વેતા પોતાના પરિવા સાથે છે.