કાનપુર એન્કાઉન્ટરઃ વિકાસ દુબેને તેની ધરપકડની બાતમી પોલીસ સ્ટેશનમાંથી જ મળી હતી

કાનપુરઃ કાનપુર એન્કાઉન્ટર કેસનો મુખ્ય ગુનેગાર વિકાસ દુબેને એ દિવસે એક ફોન આવ્યો હતો જે બાદ તેણે પોતાના બચાવમાં માણસો બોલાવ્યા અને પોલીસ પર હુમલો કર્યો. વિકાસ દુબેને જે ફોન આવ્યો હતો તે બીજે ક્યાંયથી નહીં પણ પોલીસ સ્ટેશનમાંથી જ આવ્યો હોવાનું સામે આવી રહ્યું છે. આ ફોનમાં વિકાસને જણાવી દેવામાં આવ્યું હતું કે પોલીસ તેની ધરપકડ કરવા માટે આવી રહી છે. એક પોલીસકર્મીને સસ્પેન્ડ કરાયો હોવોનું પણ સામે આવી રહ્યું છે.

કાનપુરમાં પોલીસની ટીમ પર આરોપી વિકાસ દુબેએ કરેલા હુમલાના કેસમાં પોલીસે રવિવારે સવારે એકની ધરપકડ કરી છે. ધરપકડ કરાયેલા દયાશંકર અગ્નિહોત્રી નામના એક વ્યક્તિએ વિકાસ દુબેના ઘરેથી થયેલા હુમલામાં મોટા ખુલાસા કર્યા છે. દયાશંકર અગ્નિહોત્રીએ પોલીસે શરુઆતની પૂછપરછમાં જણાવ્યું કે વિકાસને ફોન આવ્યા પછી 25-30 લોકોને બોલાવવામાં આવ્યા હતા.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

આ સિવાય ધરપકડ કરાયેલા દયાશંકરે પોલીસની શરુઆતની પૂછપરછમાં જણાવ્યું કે, વિકાસ દુબેને કોઈનો ફોન આવ્યા બાદ તે સક્રિય થઈ ગયો હતો. તેણે ફોન પર 25-30 લોકોને ઘરે બોલાવ્યા હતા. આ સાથે રસ્તા પર જેસીબી મશીન ગોઠવીને પોલીસની ટીમને રોકવાનો પણ પ્લાન બનાવ્યો હતો.

વિકાસ દુબેએ પોતે કર્યું હતું ફાયરિંગ

વિકાસ દુબે અને તેના તમામ સાથીઓ છૂપાઈને ગામમાં બેઠા હતા અને પોલીસની ટીમ ત્યાં પહોંચ્યા બાદ વિકાસે પોતે ફાયરિંગ કર્યું હતું. પોલીસની ટીમ દયાશંકર પાસેથી મલેલી જાણકારી બાદ એ લોકોની તપાસ કરી રહી છે, જેમને એ રાત્રે ફોન કરવામાં આવ્યા હતા. આ સિવાય તમામ શકમંદો પર પણ નજર રાખવામાં આવી રહી છે.

વિકાસ અને તેની ગેંગ કઈ રીતે ભાગી?

કહેવાય છે કે, એસટીએફની તમામ ટીમો દ્વારા સેન્ટ્રલ યુપી અને વેસ્ટ યુપીના જિલ્લામાં વિકાસની શોધ કરવામાં આવી રહી છે. આ સિવાય પોલીસની સાથે ઈન્ટેલિજન્સ એજન્સીઓ પણ સક્રીય થઈ ગઈ છે. ઘટના બાદ વિકાસ અને તેના સાથી કઈ રીતે ભાગ્યા તેને લઈને પોલીસ અધિકારી ધરપકડ કરાયેલા દયાશંકરની કડક પૂછપરછ કરી રહ્યા છે.