તો શું બંધ થઈ જશે કરણ જોહરનો પૉપ્યુલર ચેટ શો ‘કૉફી વિથ કરણ’?
સુશાંતના મોત બાદ ઉછળ્યો નેપોટિઝ્મનો મુદ્દો
સુશાંત સિંહ રાજપૂતના મોત બાદથી નેપોટિઝમ અંગે ફિલ્મમેકરને ખૂબ જ ટ્રોલ કરવામાં આવી રહ્યો છે. ઈન્સ્ટાગ્રામ પર પણ તેના ફૉલોઅર્સ ઝડપથી ઘટી રહ્યા છે. અસલમાં સુશાંતના મોતના કેસમાં નેપોટિઝ્મનો મુદ્દો પણ ચર્ચાઈ રહ્યો છે. સુશાંતના કેસમાં બિહારના મુઝફ્ફરનગરમાં કરણ જોહરની સાથે-સાથે સલમાન ખાન અને એકતા કપૂર ઉપરાંત ઘણા અન્ય લોકો પર કેસ પણ નોંધવામાં આવ્યા.
વાયરલ થઈ રહી છે કરણના શોની ક્લિપ
એક તરફથી કરણ જોહર સોશિયલ મીડિયા પર ફેન્સના ગુસ્સાનો શિકાર બની રહ્યો છે તો બીજી તરફ તેનો ચેટ શો ‘કૉફી વિથ કરણ’ પણ બંધ થવાનો છે. જણાવી દઈએ કે, સુશાંતના મોત બાદ ‘કૉફી વિથ કરણ’ના કેટલાક એપિસોડ્સની ક્લિપ સોશિયલ મીડિયા પર ખૂબ વાયરલ થઈ હતી, જે અંગે લોકોએ કરણ જોહર પર આરોપ લગાવ્યો હતો કે, તેણે પોતાના શોમાં સુશાંત સિંહ રાજપૂત અને અન્ય આઉટસાઈડર્સ કલાકારોની મજાક ઉડાવી હતી.
IWMBuzzના એક રિપોર્ટ અનુસાર, સ્ટાર વર્લ્ડ ચેનલ હવે ‘કૉફી વિથ કરણ’ને ભારતમાં બંધ કરવાનું પ્લાનિંગ કરી રહી છે. પહેલા પ્લાનિંગ હતું કે, ચેટ શોને અન્ય કોઈ ચેનલ પર ટ્રાન્સફર કરી દેવામાં આવે પણ સુશાંતના મોત બાદ કરણના આ શો અંગે ઉઠી રહેલા વિવાદ બાદ હવે મેકર્સે આને પૂરી રીતે બંધ કરવાનો નિર્ણય લીધો છે. જોકે, આ અંગે હજુ કરણ જોહર તરફથી કોઈ રિએક્શન આવ્યું નથી.
Comments
Post a Comment