પશ્ચિમ અમદાવાદમાં કોરોના બેકાબુ: માઈક્રો કન્ટેઈનમેન્ટ વિસ્તારો વધારવાની ફરજ પડી

અમદાવાદ: પાછલા પખવાડિયામાં શહેરના પશ્ચિમ ભાગમાં વધતા જતા કેસોએ AMCને ત્યાં પોતાનું ધ્યાન કેન્દ્રિત કરવાનું દબાણ કર્યું છે. આમ પશ્ચિમ અમદાવાદમાં કોરોના બેકાબુ થતાં માઈક્રો કન્ટેઈનમેન્ટ વિસ્તારો વધારવાની કોર્પોરેશનને ફરજ પડી છે. બુધવાર અને ગુરુવારે જાહેર કરાયેલા 55 માઇક્રો કન્ટેઈનમેન્ટ વિસ્તારોમાંથી 33 પશ્ચિમ ભાગના હતા.

શુક્રવારે રાત્રે એએમસી દ્વારા ત્રીજી લિસ્ટ જારી કરવામાં આવી હતી, જેમાં 26 નવા માઇક્રો કન્ટેઈનમેન્ટ વિસ્તારોમાંથી 18 પશ્ચિમ શહેરમાં આવેલા છે. ગુરુવારે બીજી 14 માઈક્રો કન્ટેઈનમેન્ટ ઝોનની લિસ્ટ જાહેર કરવામાં આવી હતી જેમાંથી 9 માઈક્રો કન્ટેઈનમેન્ટ પશ્ચિમ અમદાવાદના હતા. AMCના અધિકારીઓ કહે છે કે દૈનિક નોંધાયેલા 50% કેસ પશ્ચિમ અમદાવાદના છે અને તેઓએ પશ્ચિમ ઝોન, ઉત્તર પશ્ચિમ ઝોન અને દક્ષિણ પશ્ચિમ ઝોન પર વિશેષ ધ્યાન કેન્દ્રિત કરીને ત્યાં કોવિડ-19સામેની લડત વધુ તીવ્ર બનાવી દીધી છે.

ગુરુવાર અને શુક્રવારે દક્ષિણ પશ્ચિમ ઝોનમાં જાહેર કરાયેલા માઈક્રો કન્ટેઈનમેન્ટ વિસ્તારોમાં સુંદરવન એપિટોમનો A-બ્લોક, બંગ્લો નંબર 21થી 27 પાર્ક હિલ સોસાયટી (જોધપુર), ચામુંડાનગર ભાગ -1, ફેઝલ-એ-રેહમાની -1 (જુહાપુરા), અશ્વલેખા ફ્લેટ્સ બ્લોક A-B, જનતા માર્કેટ (બંને વેજલપુર વોર્ડમાં), એચ બ્લોક કનકકલા -2 (જોધપુર વોર્ડ)નો સમાવેશ થાય છે.

આ ઉપરાંત ઉત્તર પશ્ચિમ ઝોનમાં 10 નવા માઈક્રો કન્ટેઈનમેન્ટ ઝોન જાહેર કરાયાહતા. જેમાં આઇસીબી આઇલેન્ડના G બ્લોકનો ચોથો અને પાંચમો ફ્લોર, પાર્થ ઈન્દ્રપ્રસ્થ ટાવરના A-બ્લોકનો ચોથો અને પાંચમો ફ્લોર, ગોતાના દેવનગર ગામનો બીજો અને ત્રીજો માર્ગ, સોલાના સંગીત-1ના D-બ્લોકનો ચોથો માળ, ચાણક્યપુરીમાં વિશ્વાસ સિટી-2ના O-બ્લોકનો ચોથો માળ, K-બ્લોકનો પાંચમો માળ અને D-બ્લોકનો ઘાટલોડિયામાં સમેત રેસિડેન્સીના E-બ્લોકનો ફર્સ્ટ ફલોર, સૌન્દર્ય એપાર્ટમેન્ટના T,Q,L બ્લોક, થલતેજમાં સત્તાધાર ચાર રસ્તા પાસે આવેલી મૃદુલ પાર્ક-2માં મકાન નંબર 1થી 61 અને 17થી 27, ઘાટલોડિયાની હરસિદબાગ સોસાયટીમાં મકાન નંબર 38થી 50 અને થલેતજમાં તિર્થનગર-1 સોસાયટીના મકાન નંબર 41થી 43નો માઈક્રો કન્ટેઈનમેન્ટ ઝોનમાં સમાવેશ કરવામાં આવ્યો છે.

પશ્ચિમ ઝોનમાં 9 વિસ્તારોને માઈક્રો કન્ટેઈનમેન્ટ ઝોન જાહેર કરાયા હતા. જેમાં સોલા રોડના પ્રતિક્ષા એપાર્ટમેન્ટના 169 અને 179, વાસણાના સ્વામિનારાયણ પાર્કના F અને P બ્લોક, જુના વાડજમાં હરિઓમ એપાર્ટમેન્ટના બ્લોક 27 અને 73 અને રાસડી એપાર્ટમેન્ટ, રાણીપના શ્રીજી એપાર્ટમેન્ટ ચાંદખેડાના સંસ્કાર આર્કેડ, સાબરમતીમાં સંખેશ્વર અને પદમનગરમાં સી-બ્લોક અને અને 661 નંબરની લેન, ચાંદખેડામાં ભારત બેકરી પાસે આવેલા જનતાનગરનો સમાવેશ થાય છે.

માઈક્રો કન્ટેઈનમેન્ટ વિસ્તારોમાં સમાવિષ્ટ અન્ય ક્ષેત્રોમાં વિવેકાનંદનગરમાં સેક્ટર-1, મીરાપાર્ક, જૈનનગર સોસાયટી, ઓઢવ રોડ પરની ચૌકસીની ચાલીમાં લેન 440/122 અને સીમાપાર્કનો પૂર્વ ઝોનમાં સમાવેશ થાય છે. જ્યારે દક્ષિણ ઝોનમાં નવા માઈક્રો કન્ટેઈનમેન્ટ વિસ્તારોમાં ઈસનપુરમાં પ્રકાશ પ્રભુ સોસાયટીમાં મકાન નંબર 21થી 48, કાંકરિયામાં વિજય ટાવર, શાહવાડીમાં ગગન વિહાર, જશોદાનગરમાં વાસુદેવ બંગ્લોમાં R-06થી R-11 અને હીરાબાગ છાપરામાં કર્ણાવતી એપાર્ટમેન્ટના C-બ્લોકનો સામેલ કરાયા છે.