આ કારણે રીંછને ફરમાવાઈ મોતની સજા, લોકો કરી રહ્યાં છે આકરી ટીકા

હાઈકિંગ પર ગયા હતા બાપ-દીકરો

ઈટાલીમાં એક બ્રાઉન રીંછને મોતની સજા ફરમાવવામાં આવી છે. ‘સીએનએન’ના રિપોર્ટ અનુસાર, ગત અઠવાડિયે ટેન્ટ્રિનોના ઉત્તર વિસ્તારમાં બાપ-દીકરાની જોડી હાઈકિંગ પર ગઈ હતી. જ્યાં રીંછે તેમના પર જીવલેણ હુમલો કર્યો હતો. આ જ ગુનામાં અધિકારીઓએ રીંછને મોતની સજા ફરમાવી છે. એક રિપોર્ટ અનુસાર આ ઘટના સોમવારે બની હતી. 59 વર્ષના ફેબિઓ મિસ્સરોની પોતાના 28 વર્ષના દીકરા ક્રિશ્ચિયન મિસ્સરોની સાથે માઉન્ટ પેલરના રસ્તે જઈ રહ્યાં હતાં ત્યારે રસ્તામાં રીંછ આવી ગયો અને હુમલો કર્યો હતો.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

શું છે સમગ્ર ઘટના?

ક્રિશ્ચિયને ‘સીએનએન’ને કહ્યું કે,’રીંછે તેમનો પગ પકડી લીધો હતો. તેમને રીંછની પકડમાંથી છોડાવવા માટે પિતા તેની પીઠ પર કૂદ્યા હતાં. તે છૂટી ગયો હતો પરંતુ રિંછે તેના પિતાના પગને 3 જગ્યાએથી તોડી નાખ્યો.’ જોકે, ક્રિશ્ચિયને રીંછનું ધ્યાન ભટકાવવા માટે હાથ હવામાં ઉપર-નીચે કર્યા અને તાળીઓ વગાડી હતી. જે પછી તેઓ જંગલમાં ભાગી ગયા હતાં. આ એટેક પછી ટ્રેટિનો ગવર્નર Maurizio Fugattiએ રીંછને પકડવા માટે અને મારવાની અનુમતિ પર સાઈન કરી હતી. અધિકારી બાપ-દીકરો ઘાવની લાળ અને કપડા પર મળેલા ડીએનએ દ્વારા રીંછને ઓળખવાની કોશિશ કરી રહ્યાં છે.

થઈ રહી છે આ નિર્ણયની ટીકા

જોકે, અનેક એનીમલ રાઈટ્સ ગ્રુપ્સ અને કાર્યકર્તા આ નિર્ણયની ટીકા કરી રહ્યાં છે. ઈટાલીની ‘વર્લ્ડ વાઈલ્ડલાઈફ ફંડ’ બ્રાંચે એક ઓનલાઈન પીટિશન શરુ કરી હતી. જેને 22 હજારથી વધારે લોકો સાઈન કરી ચૂક્યાં છે. આ મામલે ઈટાલીના પર્યાવરણ મિનિસ્ટર પણ મોતની સજા વિરુદ્ધ છે. તેમણે કહ્યું હતું કે, એવું પણ થઈ શકે કે માદા પોતાના બાળકોનું રક્ષણ કરી રહી હોય.

આ વિડીયો પણ થયો હતો વાયરલ

A voi il mio incontro con @‘orso di sta mattina sopra la malga Sporminore… pic.twitter.com/VN6QmAV9oV

— Loris Calliari (@loriscalliari) May 24, 2020

ગત મહિને પણ એક 12 વર્ષના બાળકનો વિડીયો ખૂબ જ વાયરલ થયો હતો. હકીકતમાં, ઉત્તર ઈટાલીમાં એક બાળકનો સામનો એક બ્રાઉટન રીંછ સાથે થયો હતો.