કોરોના સામે જીતની ખુશીમાં દર્દી હોસ્પિટલમાં જ કરવા લાગ્યો ડાન્સ

બિહારના પાટનગર પટણાની નજીક બિહટામાં આઈસોલેશન વોર્ડમાં એડમિટ કરાયેલા સંક્રમિત 80 લોકોમાંથી 68 લોકોનો રિપોર્ટ નેટેગિવ આવ્યા બાદ તેમને રજા આપી દેવામાં આવી. 6-7 દિવસ સુધી કોરોના વાયરસના ખોફ હેઠળ જીવનારાઓને જ્યારે જાણ થઈ કે તે બધા સ્વસ્થ છે અને તેમને ઘરે મોકલવામાં આવી રહ્યા છે, તો એ બધા ખુશીથી ઝૂમી ઉઠ્યા. લોકો નાચવા-ગાવા લાગ્યા. તેમાંથી એક પાલીગંજના રહેવાસી અવધેશ ચૌધરીએ તો વોર્ડ કોરિડોરમાં જ ડાન્સ શરૂ કરી દીધો. તેમના આ ડાન્સે ત્યાં એડમિટ બધા લોકોમાં જોશનો સંચાર કરી દીધો. બધાએ તેમની આ ખુશીમાં તેમનો સાથ આપ્યો. 68 લોકોનો રિપોર્ટ નેગેટિવ આવ્યાના અહેવાલથી પાલીગંજમાં પણ લોકોએ રાહતનો શ્વાસ લીધો છે.