બ્રેકફાસ્ટ અને ડિનર માટે બેસ્ટ ઓપ્શન છે ‘નીર ઢોંસા’, શીખી લો રેસિપી

નીર ઢોંસા એક પોપ્યુલર સાઉથ ઈન્ડિયન ડિશ છે, જે ત્યાંના લોકો બ્રેકફાસ્ટમાં ખાતા હોય છે. ચોખા અને અડદની દાળમાંથી આપણે જો ઢોંસા બનાવીએ છીએ તેના કરતાં એકદમ અલગ હોય છે. આ ઢોંસા ચટણી અને સંભાર સાથે સર્વ કરવામાં આવે છે. વળી, તે પચવામાં પણ સરળ હોવાથી ડિનરમાં પણ તમે તે ખાઈ શકો છો. તો ચાલો, શીખી લો તેની રેસિપી

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

સામગ્રી
2 કપ બાસમતી ચોખા
1/2 ચમચી જીરું
ચપટી હીંગ
1/2 ચમચી છીણેલું આદુ
4 ચમચી તેલ
1/2 કપ છીણેલું લીલું નારિયેળ
1 ચમચી સમારેલી કોથમીર
2 નંગ સમારેલા લીલા મરચા
સ્વાદાનુંસાર મીઠું

બનાવવાની રીત
ચોખાને બેથી ત્રણ વખત સ્વચ્છ પાણીથી દોઈ લો. અને તેને 4-5 કલાક માટે પાણીમાં પલાળવા મૂકો.

બનાવવાની રીત
ચોખામાંથી પાણી નીતારીને તેને એક મિક્સર જારમાં લઈ લો. તેમાં છીણેલું આદુ, લીલા મરચા અને છીણેલું લીલું નારિયેળ લઈને ક્રશ કરી લો. તેને ત્યાં સુધી ક્રશ કરવું જ્યાં સુધી ખીરું સ્મૂધ ન થઈ જાય.

બનાવવાની રીત
આ ખીરાને એક બાઉલમાં લઈ લો. તેમાં હીંગ, કોથમીર, જીરું અને સ્વાદાનુંસાર મીઠું
ઉમેરો. આ ખીરું થોડુ જાડુ હશે, તેથી તેને પાતળું કરવા માટે તેમાં પાણી ઉમેરો. રવા ઢોંસા માટેનું જેવું ખીરું રાખીએ તેવું ખીરું બનાવવાનું છે, તેથી એ પ્રમાણે પાણી ઉમેરવું. જો તમને વધારે તીખું ભાવતું હોય તો આ ખીરામાં વધુ થોડા સમારેલા લીલા મરચા ઉમેરી શકો છો.

બનાવવાની રીત
ઢોંસા બનાવવાની પેન ગરમ કરવા મૂકો. તેના પર થોડું તેલ લગાવી દો અને બાદમાં ઢોંસાનું ખીરું પાથરી દો. તે ક્રિસ્પી અને થોડો ગોલ્ડન બ્રાઉન થવા દો. ખીરામાંથી આ રીતે ઢોંસા ઉતારી લો. તો લો તૈયાર છે નીર ઢોંસા. તેને ચટણી અને સંભાર સાથે સર્વ કરો.