જો તમારુ બાળક પણ તૈમુરની જેમ ફેસ પેઈન્ટિંગ કરતું હોય તો ચેતી જજો

થોડા દિવસો પહેલા જ કરીના કપૂરે પોતાના ઈન્સ્ટાગ્રામ પર તૈમુરની એક તસવીર શૅર કરી હતી. જેમાં તૈમુરના ચહેરા પર પેઈન્ટિંગ (Face Painting) કરવામાં આવ્યું હતું. બાળકોને ફેસ પેઈન્ટિંગ પસંદ આવે છે, જેનાથી બાળકોને કંઈક શીખવા પણ મળે છે. જોકે, ફેસ પેઈન્ટિંગ બાળકોની ચામડી માટે નુકસાનકારક પણ સાબિત થાય છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

કોસ્મેટિક ઉત્પાદનોમાં સીસું
બ્રેસ્ટ કેન્સર ફંડ અને તેમના અભિયાન દ્વારા જાહેર કરાયેલા રિપોર્ટ અનુસાર, બાળકો માટે માર્કેટમાં ઉપલબ્ધ 187 કોસ્મેટિક ઉત્પાદનો પર લેબ ટેસ્ટ કરવામાં આવ્યો હતો. આ ઉત્પાદનોમાં સીસું, કેડમિયમ, સ્ટીરેન, ફોર્મલડિહાઈડ અને હવામાં ઉડતા યૌગિક જેવા કે બેન્ઝિન અને ટોલૂન મળી આવ્યા હતાં.

નુકસાનકારક હોય છે આ તત્વ
રિસર્ચ અનુસાર લીડ અને કેડમિયમ બાળકો માટે ખૂબ નુકસાનકારક હોય છે. સેન્ટર ફોર ડિસિઝ કંટ્રોલ એન્ડ પ્રિવેન્શને એ સ્પષ્ટતા કરી છે કે લોહીમાં લેડની માત્રાથી બાળકોમાં નસ સંબંધિત અને બૌદ્ધિક વિકાસ સાથે જોડાયેલી પરેશાનીઓ થઈ શકે છે.

સીસું, ક્રોમિયમ અને કેડમિયમ જેવી ધાતુ
187 ટેસ્ટ કરાયેલા ઉત્પાદનોમાંથી આશરે 48 હેલોવીન ફેસ પેઈન્ટમાં આર્સેનિક, કેડમિયમ, ક્રોમિયમ, સીસું અને મર્ક્યુરી મળી આવ્યું હતું. ફેસ પેઈન્ટમાં આશરે 20% લેડ મળી આવ્યું હતું. કેડમિયમની માત્રા આશરે 30% હતી. ભારે ધાતુઓની માત્રા તેમાં સૌથી વધારે હતી અને આવું કાળા અને ઉંડા પિગમેન્ટ પેઈન્ટમાં વધારે હતું. દરેક ઉત્પાદનોમાં લેડ (સીસું)ની માત્રા સૌથી વધારે હતી.

ફેસ પેઈન્ટિંગના નુકસાન
ગમે તેટલી માત્રામાં સીસું સુરક્ષિત નથી હોતુ. લેડના સંપર્કમાં આવવાથી શરીરનું દરેક તંત્ર પ્રભાવિત થઈ શકે છે. લેડની ઓછી માત્રા શરીરમાં જામી શકે છે અને જીવનભર માટે યાદ રાખવાની ક્ષમતાને અસર પહોંચાડી શકે છે. આ ઉપરાંત અન્ય ગંભીર સમસ્યાઓ પર ઉત્પન્ન કરી શકે છે. સીસું જો શરીરમાં જામી જાય તો લીડ પોઈઝનિંગ થઈ શકે છે.

નાજુક હોય છે બાળકોની ચામડી
જો તમે તૈમૂર અલી ખાનને જોઈને પોતાના બાળકોને પણ ફેસ પેઈન્ટિંગ માટે પ્રેરિત કરવાનું વિચારતા હોવ તો આવું બિલકુલ ન કરવું જોઈએ. બાળકોની ચામડી ખૂબ જ નાજુક હોય છે. આ કારણે તેમની ચામડી પર કોઈ જ રીતના કેમિકલનો ઉપયોગ ન કરવું જોઈએ.