લગ્નના બંધનમાં બંધાયા તીરંદાજ દીપિકા કુમારી અને અતનુ દાસ
એકબીજાના થયા દીપિકા-અતનુ
દેશના જાણીતા તીરંદાજ દીપિકા કુમારી અને અતનુ દાસ કોરોનાકાળમાં સરકાર તરફથી રજૂ કરાયેલી ગાઈડલાઈન્સના પાલન સાથે લગ્નગ્રંથિથી જોડાઈ ગયા. આ દરમિયાન અતનુ માસ્ક પહેરીને પણ જોવા મળ્યો.
માસ્ક પહેરેલો દેખાયો અતનુ
કોરોના વાયરસની મહામારીથી બચાવ માટે અતનુ પોતાના લગ્નમાં માસ્ક પહેરેલો જોવા મળ્યો.
આશીર્વાદ આપવા આવ્યા હેમંત સોરેન
ઝારખંડના સીએમ હેમંત સોરેન આ દરમિયાન બંને તીરંદાજોને આશીર્વાદ આપવા માટે પહોંચ્યા. સીએમ સોરેન પણ માસ્ક પહેરેલા જોવા મળ્યા.
પૂર્વ CM રઘુવર દાસે પણ આપી શુભેચ્છાઓ
રાજ્યના પૂર્વ મુખ્યમંત્રી રઘુવર દાસે પણ નવયુગલને આશીર્વાદ આપ્યા હતા.
ઘણા VVIP પણ પહોંચ્યા
સમારોહમાં વર-વધુને આશીર્વાદ આપનારાઓમાં મુખ્યમંત્રી હેમંત સોરેન ઉપરાંત રાંચીના સાંસદ સંજય શેઠ, રાંચીની મેયર આશા લકડા, પદ્મશ્રી અશોક ભગત સહિત અન્ય ઘણી હસ્તીઓ શામેલ રહી.
રાતે સાડા 11 વાગ્યે સાત ફેરા
તમામ વૈવાહિક કાર્યક્રમ મોરહાબાદી સ્થિત વૃંદાવન બેન્ક્વેટ હૉલમાં સંપન્ન થશે. પદ્મશ્રી ઑલિમ્પિયન આર્ચર દીપિકા કુમાર અને અતનુ દાસે રાતે આશરે 11.30 કલાકે સાત ફેરા લેશે.
સેનિટાઈઝર સ્ટેન્ડ, માસ્ક અને ગિફ્ટ માટે બૉક્સ
લગ્ન સ્થળે થોડા-થોડા અંતરે સેનિટાઈઝર સ્ટેન્ડ રાખેલા હતા. આ ઉપરાંત માસ્કની પણ વ્યવસ્થા કરવામાં આવી. વર-વધુને ગિફ્ટ આપવા માટે એક બૉક્સ રાખવામાં આવ્યું.
દુનિયાની પૂર્વ નંબર-1 તીરંદાજ છે દીપિકા
26 વર્ષની દીપિકા કુમારી દુનિયાની નંબર-1 તીરંદાજ રહી ચૂકી છે. તેણે 2010માં કૉમેનવેલ્થ ગેમ્સમાં ગોલ્ડ મેડલ જીત્યો હતો. આ ઉપરાંત તેણે 2012 અને 2018માં આર્ચરી કપમાં પણ ગોલ્ડ મેડલ જીત્યા છે. બીજી તરફ 2013 અને 2014ના વર્લ્ડકપમાં તેણે ટીમની સાથે ગોલ્ડ મેડલ જીત્યો હતો. તે ઑલિમ્પિકમાં રમી ચૂકી છે. તેને અર્જુન એવોર્ડ અને પદ્મશ્રીથી પણ સન્માનિત કરાઈ ચૂકી છે.
રાંચીમાં થયો કાર્યક્રમ
દીપિકા અને અતનુના લગ્ન અને તેની સાથે જોડાયેલા કાર્યક્રમો રાંચીમાં યોજવામાં આવ્યા.
Comments
Post a Comment