આત્મહત્યા પહેલા પોતાને જ ગૂગલ પર સર્ચ કરી રહ્યો હતો સુશાંત સિંહ?

સુશાંત સિંહ રાજપૂતની આત્મહત્યા પછીથી જ કેટલીક અટકળો પણ સોશિયલ મીડિયા પર ચાલી રહી છે. જોકે, મુંબઈ પોલીસ દરેક શક્ય એટલા એંગલથી આ મામલે તપાસ કરી રહી છે. હવે એક રિપોર્ટ અનુસાર એ વાત પણ સામે આવી છે કે, સુશાંતે પોતાના મોતના કેટલાક કલાકો પહેલા ગૂગલ પર પોતાને જ સર્ચ કર્યો હતો. જો સુશાંતે ખરેખર આવું કર્યું હોય તો એક મહત્વની વાત સામે આવી શકે છે. કારણકે એવું પણ કહેવામાં આવે છે કે સુશાંત ડિપ્રેશન સામે ઝઝૂમી રહ્યો હતો.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

સર્ચ કર્યું હતું પોતાનું નામ!
ન્યૂઝ પોર્ટલ ઝી ન્યૂઝના એક રિપોર્ટ અનુસાર સુશાંતના મોબાઈલના ફોરેન્સિક રિપોર્ટમાં એ વાત સામે આવી છે કે તેણે પોતાના આત્મહત્યાના દિવસે એટલે કે 14 જૂનના રોજ સવારે 10:15 કલાક આસપાસ ગૂગલ પર પોતાનું નામ ‘Sushant Singh Rajput’ સર્ચ કર્યું હતું. આ રિપોર્ટમાં એ વાત પણ સામે આવી છે કે સુશાંતે પોતાને લગતા જ કેટલાક ન્યૂઝ આર્ટિકલ અને રિપોર્ટ્સ પણ વાંચ્યા હતાં.

અનેક એંગલથી પોલીસ કરી રહી છે તપાસ
નોંધનીય છે કે, સુશાંત પોતાના મુંબઈ સ્થિત એપાર્ટમેન્ટમાં મૃત મળી આવ્યો હતો. સુશાંતના પોસ્ટમોર્ટમ રિપોર્ટથી સામે આવ્યું છે કે તેનું મોત દમ ઘૂટવાના કારણે થયું છે. પોલીસે સુશાંતની આત્મહત્યા પછી તરત જ પ્રોફેશનલ રાઈવલરીના એંગલથી તપાસ કરવાનું શરુ કર્યું છે. પોસ્ટમોર્ટમ રિપોર્ટમાં સ્પષ્ટ કહેવામાં આવ્યું છે કે સુશાંતના શરીર પર કોઈ જ સ્ટ્રગલ માર્ક્સ નથી અને ન તો તેના નખ પરથી કોઈ જ સેમ્પલ મળ્યું છે. જેથી સ્પષ્ટ છે કે સુશાંતે જ આત્મહત્યા કરી હતી.

અન્ય લોકોની પણ કરી શકે છે પૂછપરછ
હાલ તો સુશાંતના અવસાન મામલે મુંબઈ પોલીસે 28 લોકોનું નિવેદન દાખલ કરીને પૂછપરછ પણ કરી છે. આ દરમિયાન સુશાંતનો વિસરા રિપોર્ટ પણ સામે આવ્યો હતો. આ રિપોર્ટ અનુસાર સુશાંતના શરીર પર કોઈ જ નશીલો અથવા ઝેરીલો પદાર્થ નથી મળ્યો. પોલીસ હજુ તપાસ કરી રહી છે અને એવું માનવામાં આવી રહ્યું છે કે પોલીસ હજુ વધુ લોકોની પૂછપરછ કરી શકે છે.