ચીનને વધુ એક મોટો ફટકોઃ કાનપુર અને આગરા મેટ્રો પ્રોજેક્ટ માટે ચાઈનીસ કંપનીનું ટેન્ડર રિજેક્ટ

લખનઉઃ ઉત્તર પ્રદેશ મેટ્રો રેલ કોર્પોરેશને ટેક્નિકલ ખામીઓને કારણે કાનપુર, આગ્રા મેટ્રો માટે ચાઈનીસ કંપનીના ટેન્ડરને રિજેક્ટ કરી દીધા છે. કોર્પોરેશને કાનપુર અને આગરા મેટ્રો પ્રોજેક્ટ માટેનો કોન્ટ્રાક્ટ બોમ્બાર્ડિયર ટ્રાન્સપોર્ટ ઈન્ડિયા પ્રાઈવેટ લિમિટેડને આપ્યો છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો

ચીનની કંપની CRRCએ ભર્યું હતું ટેન્ડર
આ પ્રોજેક્ટ માટે ચીનની કંપની CRRC નૈનજિંગ પુઝહેન લિમિટેડે પણ ટેન્ડર ભર્યું હતું પરંતુ ટેક્નિકલ ખામીઓને કારણે ચીનની કંપનીઓને અયોગ્ય જાહેર કરવામાં આવી. બોમ્બાર્ડિયર ટ્રાન્સપોર્ટ ઈન્ડિયા પ્રાઈવેટ લિમિટેડ એક ભારતીય કંસોર્ટિયમ છે. કાનપુર અને આગારા બંને મેટ્રો પ્રોજેક્ટ માટે કુલ 67 ટ્રેન મોકલવામાં આવશે જેમાં પ્રત્યેક ટ્રેનમાં 3 કોચ હશે. જેમાંથી 39 ટ્રેન કાનપુર અને 28 ટ્રેન આગરા માટે હશે.

બોમ્બાર્ડિયર ઈન્ડિયા પ્રાઈવેટ લિમિટેડને મળ્યું ટેન્ડર
એક ટ્રેનમાં મુસાફરોની ક્ષમતા 980ની હશે. પ્રત્યેક કોચમાં 315-250 મુસાફર મુસાફરી કરી શકશે. યૂપીએમઆરસીના મેનેજિંગ ડિરેક્ટર કુમાર કેશવે જણાવ્યું કે રોલિંગ સ્ટોક્સ અને સિગ્નલિંગ સિસ્ટમ માટે ઈન્ટરનેશનલી ટેન્ડર મંગાવવામાં આવ્યા હતા. આ ટેન્ડર બોમ્બાર્ડિયર ઈન્ડિયા પ્રાઈવેટ લિમિટેડને મળ્યું છે.