કાશ્મીરઃ દાદાના મૃત શરીર પાસે બેઠેલો માસૂમ, આતંકવાદની તસવીર રડાવી દેશે

આતંકવાદની વરવી તસવીર

નવી દિલ્હીઃ જમ્મુ કાશ્મીરના સોપોરમાં CRPFના કાફલા પર આતંકીઓ હુમલો કર્યો હતો. તેમાં સીઆરપીએફ 179 બટાલિયનના હેડ કોન્સ્ટેબલ શહીદ થયા છે. જ્યારે એક વયોવુદ્ધ નાગરિરકની પણ ગોળી લાગવાથી મોત થઇ છે. આ વચ્ચે સોશિયલ મીડિયામાં એક માર્મિક તસવીર ઝડપથી વાયરલ થઇ રહી છે. ગોળીવારીની વચ્ચે સીઆરપીએફનો એક જવાને બાળકની જીવ બચાવી તેને સુરક્ષિત સ્થાને પહોંચાડ્યો છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

બાળકને પોતાને ખોળામાં ઉપાડ્યું, કરી વાત

જવાન આ તસવીરમાં બાળક સાથે વાત પણ કરી રહ્યો છે. બાળકનાં ચહેરાની નિર્દોશતા અને જવાનની તેની સાથે વાત કરતી તસવીર હ્રદયસ્પર્શી છે. ઉલ્લેખનીય છે કે કેટલાક દિવસ પહેલા આતંકવાદીઓએ એક CRPF જવાન અને એક 5 વર્ષનાં બાળકની ગોળી મારીને હત્યા કરી દીધી હતી. વાઘમાનાં બિજબેહરામાં થયેલી આ ઘટનામાં સામેલ આતંકવાદીઓને ગઇકાલે ઠાર કરીને સેનાએ બદલો લીધો હતો.

સોશિયલ મીડિયામાં વાયરલ થઈ તસવીરો

મીડિયા રિપોર્ટ્સ મુજબ બાળકની ઉંમર ખાલી 5 વર્ષની છે. અને તે પોતાના દાદાની સાથે ઘરેથી બજાર જવા માટે નીકળ્યો હતો. અને અચાનક જ ગોળીબારી શરૂ થઇ ગઇ. ગોળી લાગવાથી બાળકના દાદાનું ઘટના સ્થળે જ મોત થઇ ગયું. સોશિયલ મીડિયામાં આ બાળકની અનેક તસવીરો શેર કરવામાં આવી રહી છે.

થોડા દિવસો પહેલા 5 વર્ષના બાળકની કરી હતી હત્યા

થોડા દિવસો પહેલા આતંકવાદીઓએ બિજબેહરામાં સુરક્ષા જવાનો પર હુમલો કર્યો હતો આ દરમિયાને તેમણે એક 5 વર્ષના બાળકની હત્યા કરી નાખી હતી. જોકે સુરક્ષા દળોએ આ જઘન્ય અપરાધ કરનાર આતંકવાદીઓને થોડાક જ દિવસમાં ઠાર માર્યા હતા અને તેમના કૃત્યની સજા મળી હતી.

સામાન્ય નાગરિકોને બનાવી રહ્યા છે નિશાનો

હાલ થોડા દિવસોથી સુરક્ષાદળોની કાર્યવાહીમાં કાશ્મીર વેલીમાં અનેક આતંકવાદીઓ માર્યા ગયા હોવાથી આતંકવાદીઓ અકળાઈ ગયા છે. તેમણે સામાન્ય નાગરિકોને પોતાના નિશાને લેવાનું શરું કરી દીધું છે.

CRPFની જીપમાં સુરક્ષિત બાળક

જવાને બાળકને સુરક્ષીત તેની માતા સુધી પહોંચાડ્યો.