ભારતે ચાઈનિઝ એપ્સ પર મૂક્યો પ્રતિબંધ, અમેરિકાએ નિર્ણય વિશે કહી આ વાત
વોશિંગ્ટનઃ ચીન સાથે તણાવ ભરેલા સંબંધો વચ્ચે ભારત સરકારે ચીનની 59 એપ પર પ્રતિબંધ મૂકી દીધો છે. અમેરિકાએ ભારતીય સરકારના આ નિર્ણયને આવકાર્યો છે. યુએસ સેક્રેટરી ઓફ સ્ટેટ માઈક પોમ્પિયોએ બુધવારે આ નિર્ણયને આવકારતા કહ્યું છે કે આ નિર્ણયથી ભારતની ઈન્ટેગ્રિટી અને રાષ્ટ્રીય સુરક્ષામાં વધારો થશે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
પત્રકારો સાથેની વાતચીતમાં પોમ્પિયોએ કહ્યું હતું કે, અમે કેટલીક ચોક્કસ એપ પર પ્રતિબંધ મૂકવાનાં ભારતના નિર્ણયને આવકારીએ છીએ, આ એપ ચાઈનિઝ કોમ્યુનિસ્ટ પાર્ટી (સીસીપી)ના સર્વેલન્સ સાથે જોડાયેલી છે. ભારતના આ વલણથી ભારતના સાર્વભૌમત્વને પ્રોત્સાહન મળશે. આ ભારતની અખંડતા અને રાષ્ટ્રીય સુરક્ષાને પણ પ્રોત્સાહન આપશે.
ભારતે સોમવારે 59 ચાઈનિઝ એપ પર પ્રતિબંધ મૂકી દીધો છે. જેમાં લોકપ્રિય વિડીયો શેરિંગ એપ ટિકટોક અને યુસી બ્રાઉઝરનો પણ સમાવેશ થાય છે. ભારત અને ચીન વચ્ચે પૂર્વ લદાખમાં લાઈન ઓફ એક્ચ્યુઅલ કંટ્રોલ પર તણાવ ચાલી રહ્યો છે.
ભારતે જે એપ પર પ્રતિબંધ મૂક્યો છે જેમાં હેલો, લાઈકી, કેમસ્કેનર, વિગો વિડીયો, એમઆઈ વિડીયો કોલ, ક્લેશ ઓફ કિંગ્સ તથા ઈ-કોમર્સ પ્લેટફોર્મ્સ ક્લબ ફેક્ટરી અને શેઈનનો પણ સમાવેશ થાય છે.
Comments
Post a Comment