પૂર્વ ભારતીય ક્રિકેટરનું મોટું નિવેદન, ‘વિરાટનું સ્થાન લઈ શકે છે રોહિત શર્મા’
વિરાટ-રોહિતની નેતૃત્વ ક્ષમતા પર બોલ્યો આકાશ
નવી દિલ્હી: ટીમ ઈન્ડિયાના કેપ્ટન વિરાટ કોહલીના નેતૃત્વ અંગે તેની તુલના અવાર-નવાર વાઈસ કેપ્ટન રોહિત શર્મા સાથે કરવામાં આવે છે. વિરાટ અને રોહિત બંને ઈન્ડીયન પ્રીમિયર લીગ (IPL)માં પોત-પોતાની ફ્રેન્ચાઈઝીના કેપ્ટન છે. પૂર્વ ભારતીય ક્રિકેટર આકાશ ચોપરાનું માનવું છે કે, આ ભારતીય ટીમની ખુશનસીબી છે કે, તેને વિરાટ અને રોહિતના રૂપમાં બે શાનદાર નેતૃત્વકર્તા મળ્યા છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો
જો કોહલી મોટી ટ્રૉફી ન જીતી શક્યો તો…
2017માં કોહલીએ દરેક ફોર્મેટમાં ભારતીય ટીમની કેપ્ટનશિપ સંભાળી હતી, જ્યારે મહેન્દ્ર સિંહ ધોનીએ કેપ્ટનશિપ છોડી જ્યારે વિરાટની ગેરહાજરીમાં રોહિતે ટીમનું નેતૃત્વ કર્યું. આકાશે કહ્યું કે, જો કોહલી આગામી થોડા વર્ષોમાં કોઈ મોટી ટ્રૉફી જીતવામાં નિષ્ફળ રહે તો, ભારતીય ટીમમાં નેતૃત્વના બદલાવની તલાશ કરી શકાય છે.
વિરાટના પ્રદર્શનમાં નહીં પડે અસર
આકાશ ચોપરાએ સવેરા પાશાના યૂટ્યૂબ વિડીયોમાં કહ્યું કે, ‘ભારતીય ટીમ લકી છે. જો આગામી 6 મહિના અથવા એક-દોઢ વર્ષમાં ટીમ ઈન્ડિયા કોઈ ફેરફાર કરે છે તો મને નથી લાગતું કે, આનાથી વિરાટના પ્રદર્શનમાં કોઈ ફર્ક પડશે. તે એ લેવલ પર પહોંચી ચૂક્યો છે, જ્યાંથી નીચે ન જઈ શકે. તે ભલે કેપ્ટન હોય કે નહીં, તેના પર કોઈ ફર્ક પડવાનો નથી.’ તેણે કહ્યું કે, ‘એક ટીમ તરીકે તમે ક્યારેક-ક્યારેક એક અલગ દિશા ઈચ્છો છો. જો તમે તે સ્તરે પહોંચો છો તો રોહિત શર્મા એક રેડીમેડ પસંદ છે પણ ત્યાં સુધી તમારે કોહલી સાથે ઊભા રહેવાની જરૂર છે, તે એક સારો કેપ્ટન છે.’
કોહલી અને રોહિતનું કેપ્ટન તરીકે પ્રદર્શન
કોહલીની કેપ્ટનશિપમાં ભારતે મર્યાદિત ઓવર્સમાં કોઈ મોટી ટ્રૉફી જીતી નથી. 2017 ચેમ્પિયન્સ ટ્રૉફીની ફાઈનલ સુધી પહોંચવા અને 2019 આઈસીસી વર્લ્ડ કપના સેમી ફાઈનલમાં પહોંચવા સિવાય ભારત મોટી ટૂર્નામેન્ટ્સમાં સફળ રહ્યું નથી. બીજી તરફ રોહિતે 2018માં નિદાહાસ ટ્રૉફી અને એશિયા કપમાં ભારતીય ટીમનું નેતૃત્વ કર્યું હતું અને ટીમને ચેમ્પિયન બનાવી હતી. કેપ્ટન તરીકે આઈપીએલમાં પણ તેનો રેકોર્ડ જબરદસ્ત રહ્યો છે.
Comments
Post a Comment