શાર્કને પંજામાં દબોચીને ઉડી ગયું વિશાળકાય પક્ષી, વિડીયો થયો વાયરલ

સોશિયલ મીડિયા પર એક વિડીયો વાયરલ થઈ રહ્યો છે જેમાં એક વિશાળકાય પક્ષી શાર્ક માછલીને તેના પંજામાં દબોચીને ઉડી રહેલું જોવા મળી રહ્યું છે. આ વિડીયો જોઈને લોકો ચોંકી ગયા છે. અમેરિકાના બાસ્કેટ બોલ ખેલાડી રેક્સ ચેપમેને તેના ટ્વિટર હેન્ડલ પરથી આ ઘટનાનો વિડીયો શેર કર્યો છે. આ વિડીયો શેર કરતા લખ્યું કે જો તમે એક પક્ષીને શાર્ક સાથે ઉડતા નથી જોયું તો દરિયાની બહાર નીકળતા જોઈ શકો છો.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

આ વિડીયોમાં સ્પષ્ટરીતે જોવા મળી રહ્યું છે કે દરિયા કિનારે એક વિશાળકાય પક્ષી ક્યાંકથી ઉડીને આવે છે અને દરિયામાંથી નાની શાર્ક માછલીને તેના પંજામાં દબોચીને ઉડીને લઈ જાય છે. દરિયા કિનારે ઊભેલા લોકો આ પક્ષીને જોતા રહી જાય છે અને તેઓને પહેલી નજરે વિશ્વાસ નથી થતો કે આ પક્ષી કેવી રીતે શાર્ક જેવી માછલીને પંજામાં દબોચીને લઈ ગયું.

Just in case you haven’t seen a bird flying around with a shark that it just plucked out of the ocean… pic.twitter.com/ILKqd9wrFG

— Rex Chapman (@RexChapman) July 2, 2020

આ વિડીયો સોશિયલ મીડિયા પર ખૂબ જ વાયરલ થઈ રહ્યો છે. આ વિડીયોમાં જોવા મળી રહ્યું છે કે એક પક્ષી શાર્ક માછલીને પંજામાં દબોચીને જ્યારે આકાશમાં ઊંચે લઈ જાય છે ત્યારે તે માછલી તરફડિયા મારતી જોવા મળે છે. આ વિડીયો અમેરિકાના સાઉથ કેરોલિના (South Carolina)ના બીચનો હોવાનું જાણવા મળ્યું છે.