લૉકડાઉન: ઘરે પાછા ફરેલા યુવાનોએ માટીના ઓવનમાં પિઝા બનાવ્યા, કરી રહ્યાં છે જોરદાર કમાણી

હમીરપુર, હિમાચલ પ્રદેશ: ઘણા બધા મુશ્કેલ સમયમાં તૂટી જતા હોય છે અને પછી દુનિયા તેમના પર કાયરનું સિમ્બોલ લગાવી દે છે અને જે માણસ આવા મુસીબતના સમય સામે જીત મેળવી લે છે તે જ સફળતાને પામે છે. આ વાત વિદેશોમાં ફાઈવ સ્ટાર હોટલોમાં કામ કરી પોતાના દેશ પરત ફરેલા યુવાનો પર એકદમ ફીટ બેસે છે. લૉકડાઉનને કારણે હીમીરપુર જિલ્લાના સનાહી નિવાસી વિપિન કુમારે કમાણીનું સાધન શોધવાનું શરૂ કર્યું. આમાં તેમણે પોતાના ભાઈને પણ સાથે લીધો. બંનેએ ઘરની નજીક એક માટીનું ઓવન બનાવી પિઝા વેચવાનું શરૂ કર્યું. આશરે 20 દિવસની અંદર જ તેમનો બિઝનેસ શાનદાર રીતે ચાલવા લાગ્યો છે. તેઓ રોજ 125થી 150 પિઝા બનાવીને વેચે છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

કોરોના વાયરસના દુનિયાના ઘણા દેશોમાં જનજીવન પર એકદમ બ્રેક લાગી ગઈ. ભારત પણ આમાંથી બાકાત નથી રહ્યું પણ પોતાના ઘર અને પોતાની જમીન સાથે કોને લગાવ ન હોય. આ જ વિચારીને વ્જિન આઈલેન્ડથી હમીરપુરના સનાહીનો યુવાન વિપિન કુમાર ઘર પરત આવી ગયો. માર્ચના પ્રથમ સપ્તાહમાં તે ઘરે આવી ગયો હતો. આ દરમિયાન વિપિનનો કઝિન ભાઈ લલિત પણ ઘરે આવી ગયો. લલિત અમૃતસરના વાઘા બોર્ડર સ્થિત હોટલમાં ચીફ એક્ઝીક્યૂટિવ શેફ તરીકે કામ કરતો હતો જ્યારે વિપિન વિદેશમાં હોટલમાં મેનેજર તરીકે કામ કરતો હતો.

વિપિન અને લલિત કહે છે કે, ઘરે પરત ફર્યા બાદ લૉકડાઉનને કારણે બહાર નીકળવાનું બંધ હતું. લૉકડાઉન વધતું ગયું તેમ-તેમ રોજગારની ચિંતા પણ વધી. અનલૉક-1 બાદ કંઈક કામ-ધંધો કરવાનું વિચાર્યું પણ એકદમ મોટું રોકાણ કરવું શક્ય નહોતું. એટલે એવું કંઈક કરવાનું વિચાર્યું જેમાં ખર્ચ ઓછો હોય, આજુબાજુમાં મળતી ન હોય અને જેનાથી બીજા કોઈના ધંધાને ખરાબ અસર ન થાય.

આ વિશે વિપિને કઝિન લલિત સાથે વાત કરી અને માટીના ઓવનથી તૈયાર પિઝા બનાવવા પર સહમતિ બની. ગામની નજીક જ એક દુકાન જોઈ. બંનેએ તે ભાડે લઈ લીધી. વુડ ફાયર પિઝા માટે માટીના ઓવનની જરૂર હતી જે તેમણે પોતે જ તૈયાર કર્યું. પિઝા બનાવવાની મોટાભાગની સામગ્રી ઘરે જ તૈયાર કરવામાં આવે છે. ગામમાંથી જ તૈયાર પનીર અને શાકભાજી લાવવામાં આવે છે. વિપિન અને લલિત જણાવે છે કે, ગામમાં વુડ ફાયર પિઝાની ડિમાન્ડ વધી રહી છે. શરૂઆતમાં રોજના 10થી 15 પિઝા વેચાતા હતા પણ હવે રોજ 125થી 150 પિઝા વેચાઈ રહ્યા છે.

આવી રીતે બનાવ્યું ઓવન

વિપિને જણાવ્યું કે, ગામની નજીકમાંથી પસાર થતી વાલી નદીની રેત લાવ્યા. બાદમાં ભિભોરા અને ચિકણી માટી લાવી તેને સારી રીતે પીસી નાખ. ગામની નજીક આવેલા જંગલમાંથી ચીડના પાન લાવી તેના નાના-નાના ટૂકડા કરી લીધા. આશરે 3 હજાર રૂપિયાનું એક સ્ટેન્ડ બનાવડાવ્યું અને તેના પર માટીથી આ ઓવન તૈયાર કરી લીધું. હવે બિઝનેસ વધી રહ્યો છે. આવતા સપ્તાહે કાંગૂ બજારમાં બીજી એક દુકાન ખોલવામાં આવશે. આના માટે બે લોકોને સાથે જોડી દેવામાં આવ્યા છે.