આ ભારતીય કંપનીએ ચીન સાથેની 900 કરોડની ડીલ કરી કેન્સલ

નવી દિલ્હીઃ જયારથી સરહદ પર ભાર ત ચીનના સૈનિકો વચ્ચે અથડામણમાં 20 ભારતીય સૈનિકો શહીદ થયા છે ત્યારથી દરેક જગ્યાએ ચીનનો વિરોધ થઈ રહ્યો છે. હવે ચાઈનીસ સામાનના બહિષ્કારના સામાચાર સામે આવી રહ્યા છે. અનેક કંપનીઓ ચીન સાથેના કોન્ટ્રાક્ટ તોડી રહી છે. આ વચ્ચે હીરો સાયકલે એક મોટો નિર્ણય લેતા ચીન સાથેનો પોતાના 900 કરોડનો કોન્ટ્રાક્ટ કેન્સલ કરી દીધો છે. જણાવી દઈએ કે હાલમાં જ હીરો સાયકલે સરકારને 100 કરોડ રૂપિયા દાનમાં આપ્યા હતા.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો

કોરોના કાળમાં જ્યાં અન્ય કંપનીઓ નુકસાન ભોગવી રહી છે ત્યારે હીરો સાયકલ આ સ્થિતિમાં પણ આગળ વધી રહી છે. હીરો સાયકલે ચીનનો બહિષ્કાર કરતા 900 કરોડની ડીલ કેન્સલ કરી દીધી, જે આગામી 3 મહિનામાં કરવાના હતા. બીજી તરફ હીરો કંપની લુધિયાણામાં સાઈકલના સ્પેરપાર્ટ બનાવતી નાની કંપનીઓની મદદ માટે આગળ આવી છે અને તેમને પોતાની કંપનીમાં મર્જ કરવાની ઓફર આપી છે.

હીરો સાયકલે ચીન સાથે દરેક પ્રકારનો વેપાર બંધ કરી દીધો છે અને હવે હીરો સાયકલ જર્મનીમાં પ્લાન્ટ લગાવવાની તૈયારી કરી રહ્યા છે. કંપનીના મતે હીરો સાયકલની માંગ વધી છે અને હીરો સાયકલે પણ પોતાની ક્ષમતા વધારી છે.