લગ્નના બીજા દિવસે વરરાજાનું મોત, પ્રસંગમાં હાજરી આપનારા 79 લોકોને થયો કોરોના

પાલીગંજઃ કોરોના સંક્રમણ સામે લડી રહેલા બિહારના પટના જિલ્લામાં સોમવારે એક સાથે 79 લોકનો કોરોના રિપોર્ટ પોઝિટિવ આવ્યો. આ પહેલા 22 જૂનના રોજ 15 લોકોનો રિપોર્ટ પણ પોઝિટિવ આવ્યો હતો. કોઈને કોઈ રીત આ તમામ લોકો 17 જૂનના રોજ અમ્બિકા ચૌધરીના પુત્રના લગ્નમાં હાજર હતા.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો

લગ્નના બીજા દિવસે 17 જૂનના રોજ અમ્બિકા ચૌધરીના પુત્રનું મોત થયું હતું. તેમનો પુત્ર કોરોના સંક્રમિત હતો કે નહીં તે જાણી શકાયું નહોતું. સ્વાસ્થ્ય વિભાગે લગ્નમાં હાજર 125 લોકોના સેમ્પલ લીધા હતા. જેમાંથી 22 જૂનના રોજ આવેલા રિપોર્ટમાં 15 લોકોનો રિપોર્ટ પોઝિટિવ આવ્યો હતો ત્યાર બાદ છેલ્લા 4 દિવસમાં 369 લોકોની તપાસ કરવામાં આવી. જેમાંથી 79 લોકોના રિપોર્ટ પોઝિટિવ મળ્યાં છે.

એક સાથે 79 લોકોનો રિપોર્ટ પોઝિટવ આવતા સ્થાનીક તંત્ર દોડતું થયું અને તે વિસ્તારને ક્લસ્ટર ઝોન જાહેર કરી વધુ લોકોની તપાસ હાથ ધરી છે. તંત્ર દ્વાર તે વિસ્તારને સેનેટાઈઝ કરવામાં આવી રહ્યો છે. તેમજ લોકોને ઘરમાં રહેવા અને બહાર નીકળતી વખતે મોઢા પર માસ્ક પહેરવા માટે સૂચના આપવામાં આવી છે.