ગુજરાતઃ રાજ્યમાં આજે કોરોનાના 681 કેસ, સુરતમાં સ્થિતિ ગંભીર

અમદાવાદઃ રાજ્યમાં કોરોના વાયરસના કેસ દિવસેને દિવસે વધી રહ્યા છે. અમદાવાદ બાદ હવે સુરતમાં પણ ધીરે ધીરે કોરોના વાયરસ માથું ઉચકી રહ્યો છે. રાજ્યમાં છેલ્લા 24 કલાકમાં 681 નવા કેસ નોંધાયા છે તો વધુ 563 દર્દીઓ સ્વસ્થ થઈને ઘરે પરત ફર્યા છે. રાજ્યમાં કુલ એક્ટિવ કેસનો આંકડો 7510 થયો છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો

રાજ્યમાં આજની તારીખે કુલ એક્ટિવ કેસનો આંકડો 7510 જેમાથી 68 દર્દીઓ વેન્ટીલેટર પર અને 7442 સ્ટેબલ દર્દીઓ છે. ગુજરાતમાં અત્યાર સુધી કુલ 24601 લોકોને ડીસ્ચાર્જ અને 1888 લોકોના કોરોનાને કારણે મોત થયા છે.

છેલ્લા 24 કલાકમાં નોંધાયેલા કોરોનાના કેસની માહિતી

રાજ્યમાં આજે સૌથી વધારે કેસ અમદાવાદમાં 202 ત્યાર બાદ સુરતમાં 191, વડોદરા 46, સુરત જિલ્લામાં 36, રાજકોટમાં 22, બનાસકાંઠામાં 12 કેસ સામે આવ્યા. આ ઉપરાંત છેલ્લા 24 કલાકમાં કુલ 19 દર્દીઓના મોત થાય છે જેમાં અમદાવાદમાં સૌથી વધારે 7, સુરતમાં 3, વડોદરામાં 2, જુનાગઢ, સુરત જિલ્લામાં, મહેસાણા, પાટણ, ખેડા, વરસાડ, સુરેન્દ્ર નગરમાં 1-1 મોત થયા છે.

રાજ્યમાં અત્યાર સુધીમાં કુલ 3,88,065 ટેસ્ટ કરવામાં આવ્યા છે. આ ઉપરાંત જુદા જુદા જિલ્લાઓમાં આજની તારીખે કુલ 2,51,122 વ્યક્તિઓને ક્વોરેન્ટાઈન કરવામાં આવ્યા છે. જે પૈકી 2,48,062 વ્યક્તિઓ હોમ ક્વોરેન્ટાઈન છે અને 3060 વ્યક્તિઓને ફેસીલીટી ક્વોરેન્ટાઈનમાં રાખવામાં આવ્યા છે.