છેલ્લા 6 મહિનાથી બેરોજગાર છે આ એક્ટર, ઈન્સ્ટાગ્રામ પર વ્યક્ત કર્યું દુઃખ

દુનિયાના મોટાભાગના દેશો કોરોના વાયરસની ચપેટમાં આવી ગયા છે. આ મહામારીના કારણે ઘણા લોકોએ પોતાની નોકરી ગુમાવી છે તો કેટલાકને પગાર કાપનો સામનો કરવો પડી રહ્યો છે. બિગ બોસ ફેમ પ્રિતમ સિંહની પણ કંઈક આવી જ સ્થિતિ છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

 

View this post on Instagram

 

Aaj ek purani film ka gana yad a Gaya.. Ae Dil hai mushkil jeena yahan Zara hatke Zara bachke yeh hai Bumbai meri Jaan…

A post shared by Pritam Singh (@pritamsingh9) on Jul 4, 2020 at 12:49am PDT

એક્ટરે હાલમાં જ ઈન્સ્ટાગ્રામ પર એક પોસ્ટ શેર કરી છે અને પોતાની દુર્દશા વિશે જણાવ્યું છે.

તેણે લખ્યું છે કે, ‘મહામારીના કારણે ઘણા લોકોએ મુશ્કેલી વેઠી અને હજુ કેટલાક લોકો મુશ્કેલી વેઠી રહ્યા છે. હું તેમાંથી એક છું. મને રેડિયો અને ટીવીમાં સારો એવો અનુભવ હોવા છતાં મારી પાસે જોબ નથી…6 મહિના મેં રેડિયોમાં નોકરી તેમ વિચારીને છોડી દીધી કે હું ટીવી હોસ્ટ તરીકે હું સારું કામ કરી શકીશ અને મારુ કરિયર બનાવી શકીશ. પરંતુ અચાનક જ કોરોના વાયરસ આવી ગયો. હવે મારી પાસે કોઈ જ કામ નથી’.

તેણે ઉમેર્યું કે, ‘આગામી દિવસોમાં શું થવાનું છે તે વિશે વિચારીને મને પહેલીવાર ગભરામણ થઈ રહી છે…પરંતુ બાદમાં હું પોઝિટિવિટી સાથે મારા ઘરની બારીમાંથી બહાર જોઉ છું. મને ખબર છે કે સ્થિતિ થાળે પડી જશે અને હિંદી ફિલ્મ ઈન્ડસ્ટ્રી ફરી કામ શરૂ કરશે તેમજ મને કામ મળી જશે’.

પ્રિતમે આ પોસ્ટને કેપ્શન આપતા લખ્યું છે કે, ‘આજે એક જૂની ફિલ્મનું જ્ઞાન યાદ આવી ગયું..એ દિલ હૈ મુશ્કીલ જીના યહાં…જરા હટકે…જરા બચકે…યે હૈ મુંબઈ મેરી જાન…’.

લોકડાઉન દરમિયાન ઘણા પોપ્યુલર ટીવી શો ઓફ એર કરી દેવાયા છે. જેમાં બેહદ-2 અને પટિયાલા બેબ્સનો પણ સમાવેશ થાય છે. સ્ટોરીલાઈનના કારણે રાતોરાત શોમાંથી ઘણા એક્ટર્સને રિપ્લેસ કરી દેવાયા છે.