કોરોના: અ’વાદમાં 6 ઝોનમાં વધુ 19 સોસાયટી-પોળ માઈક્રો કન્ટેઈનમેન્ટ વિસ્તાર જાહેર

અમદાવાદ: અમદાવાદ મ્યુનિસિપલ કોર્પોરેશન (AMC)એ જુલાઈમાં જારી કરેલી માઇક્રો કન્ટેઈનમેન્ટ ઝોનની ત્રીજી લિસ્ટમાંથી ચાર ઝોનને દૂર કર્યા છે, પરંતુ 19 અન્યને ઉમેર્યા છે. નવા ઉમેરાયેલા 19 માઈક્રો કન્ટેઈનમેન્ટ ઝોનમાંથી દસ શહેરના પશ્ચિમ ભાગમાં છે. આ સાથે હવે શહેરમાં કુલ 99 માઈક્રો કન્ટેઈનમેન્ટ ઝોન છે. AMC શનિવારે જે 4 માઈક્રો કન્ટેઈનમેન્ટને લિસ્ટમાંથી દૂર કર્યા છે તેમાં ઈન્ડિયા કોલોનીના મ્યુનિસિપલ લેબર ક્વાર્ટર્સ, છારાનગરની નવખોલી સ્ટ્રીટ અને ફ્રી કોલોની, તેમજ સાબરમતીમાં આવેલી જગાભાઈની ચાલીનો સમાવેશ થાય છે.

નવા ઉમેરાયેલા માઈક્રો કન્ટેઈનમેન્ટ ઝોન
દક્ષિણ-પશ્ચિમ ઝોન: અન્વેષણ રૉ હાઉસના 3 મકાન, નિશાંત પાર્ક-2માં બંગ્લો નંબર 11થી 16 અને 21થી 30, શિવરંજની રૉ સોસાયટીમાં બંગ્લો નંબર 14થી 17.
ઉત્તર-પશ્ચિમ ઝોન: થલતેજમાં ગુલાબ ટાવર સામેના રત્ના સફર ફ્લેટ્સના C-બ્લોકનો ત્રીજો માળ, બોડકદેવમાં શિવમ સેટેલાઈટ બંગ્લોઝ.
પશ્ચિમ ઝોન: નારણપુરાના સરદાર પટેલ નગર, સાબરમતીમાં ગંગારામ ફ્લેટ્સ, રાણીપમાં વંદે માતરમ હોમ્સ, સ્ટેડિયમ વોર્ડમાં આવેલા કેશવનગરના સમેત એપોર્ટમેન્ટનો A-બ્લોક.
મધ્ય ઝોન: ખાનપુરના ગગન વિહાર ફ્લેટના B-બ્લોકનો ત્રીજો માળ.
પૂર્વ ઝોન: સાકર સોસાયટી (નિકોલ), સહજાનંદ એપાર્ટમેન્ટ-2 (નિકોલ), વૈકુંઠ દર્શન (ન્યૂ મણિનગર) અને માધવ હોમ્સ (વસ્ત્રાલ).
દક્ષિણ ઝોન: કૈલાશ પાર્કમાં મકાન નંબર 31, ઓમ શાંતિનગરમાં B-7થી B-26, ઈસનપુરની નમ્રતા સોસાયટીમાં B-10થી B-120 અને A/C 132થી 169 અને ઘોડાસરમાં વનદેવવી સોસાયટીના 53 મકાન.

છેલ્લા 24 કલાકમાં ગુજરાતમાં અમદાવાદ કરતા સુરતમાં વધારે કેસ નોંધાયા છે. સુરતમાં 201 નવા કેસ નોંધાયા છે જ્યારે અમદાવાદમાં 165 કેસ નોંધાયા છે. અમદાવાદમાં કેસની સંખ્યા કરતા ડિસ્ચાર્જ થનારા કેસની સંખ્યા વધારે છે.છેલ્લા 24 કલાકમાં ગુજરાતમાં અમદાવાદ કરતા સુરતમાં વધારે કેસ નોંધાયા છે. સુરતમાં 201 નવા કેસ નોંધાયા છે જ્યારે અમદાવાદમાં 165 કેસ નોંધાયા છે. અમદાવાદમાં કેસની સંખ્યા કરતા ડિસ્ચાર્જ થનારા કેસની સંખ્યા વધારે છે.