સુરતઃ રેલવે સ્ટેશન પર 46 આઈસોલેશન કોચ ધૂળ ખાઈ રહ્યા છે, SMCને ખબર જ નથી!

સુરતઃ શહેરમાં વધી રહેલા કોરોનાના કેસોને જોતા સુરત મ્યુનિસિપલ કોર્પોરેશન કોવિડ-19ના દર્દીઓ માટે પ્રાઈવેટ હોસ્પિટલમાં વધારે બેડની વ્યવસ્થા કરી રહ્યું છે. પરંતુ સુરત રેલવે સ્ટેશન પર વેસ્ટર્ન રેલવે દ્વારા આઈસોલેશન સુવિધા માટે તૈયાર કરેલા ટ્રેનના કોચ ધૂળ ખાઈ રહ્યા છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

એપ્રિલ મહિનામાં વેસ્ટર્ન રેલવેએ કોરોનાના દર્દીઓની સારવાર કરવા માટે બે ટ્રેનો રેલવે સ્ટેશન પર મૂકી હતી જેમાં દરેકમાં 23 કોચ હતા. આ કોચમાં ડોક્ટર્સ અને હેલ્થકેર સ્ટાફ માટે એસીની પણ સુવિધાઓ છે. આ 46 રેલવે કોચમાં 736 દર્દીઓની સારવાર કરવાની ક્ષમતા છે.

આ મામલે પૂછવા પર SMCના અધિકારીએ જણાવ્યું, ‘અમને જાણકારી નથી કે વેસ્ટર્ન રેલવેએ રેલવે સ્ટેશન પર આઈસોલેશન કોચ સેટ અપ કર્યા છે. અમારે આ કોચનો ઉપયોગ કરવાના છેલ્લા નિર્ણય માટે તેની અંદરની સુવિધાઓનો સર્વે કરવો પડશે.’

એરિયા રેલવે મેનેજર સી.આર ગરુડાએ કહ્યું, અમે આઈસોલેશન કોચ ઈન્ફ્રાસ્ટ્રક્ચર સાથે તૈયાર છીએ, પરંતુ અમને રાજ્ય સરકાર કે સ્થાનિક વહીવટીતંત્ર તરફથી તેના ઉપયોગ કરવાની કોઈ રિક્વેસ્ટ મળી નથી. દિલ્હીમાં તૈયાર કરાયેલા આઈસોલેશન કોચમાં કોરોનાના દર્દીઓ સારવાર લઈ રહ્યા છે.

જ્યારે ઝોનલ રેલવે યુઝર્સ કન્સલ્ટેટીવ કમિટીના સભ્ય રાકેશ શાહે અમારા સહયોગી TOIને જણાવ્યું કે, પ્રાઈવેટ હોસ્પિટલોનો કોવિડ-19ની સારવાર હેઠળ લાવવાના બદલે દર્દીઓની સારવાર માટે આઈસોલેશન કોચનો ઉપયોગ કરવો જોઈએ.