ટિકટોક પર પ્રતિબંધ બાદ ચાઈનીઝ કંપનીને 45,000 કરોડનું નુકસાન થવાનો અંદાજ

ભારતમાં શોર્ટ વીડિયો મેકિંગ એપ્લિકેશન ટિકટોક પર પ્રતિબંધ મૂકાયા બાદ તેની પેરેન્ટ કંપની બાઈટડાંસને કરોડો રૂપિયાનું નુકસાન થઈ રહ્યું છે. ચાઈનીઝ મીડિયા ઓર્ગેનાઈઝેશન ગ્લોબલ ટાઈમ્સ તરફથી આ અઠવાડિયે કહેવાયું હતું કે ટિકટોક પર પ્રતિબંધ બાદ બાઈટડાંસને 45 હજાર કરોડ રૂપિયાથી વધારેનું નુકસાન થયું છે. રિપોર્ટમાં કહેવાયું છે કે Helo અને TikTok જેવી એપ્સ બેન કરવાની અસર બાઈટડાંસના બિઝનેસ પર પડી રહી છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

ઈન્ડસ્ટ્રી રિપોર્ટ્સ મુજબ, ચીનથી બહાર ભારત ટિકટોકનું સૌથી મોટું માર્કેટ હતું. ભારત સરકાર તરફથી આ અઠવાડિયાની શરૂઆતમાં 59 ચાઈનીઝ એપ્સને બેન કરવાનો નિર્ણય લેવાયો, જેમાં ટિકટોક પણ સામેલ છે. પબ્લિકેશન્સ મુજબ તેની અસર ચાઈનીઝ ટ્રેડર્સ અને ઈન્વેસ્ટર્સ પર પણ જોવા મળશે. એક્સપર્ટ્સે કહ્યું, ભારત સરકારના આ નિર્ણય બાદ ચાઈનીઝ રોકાણકારો અને બિઝનેસને પણ ઝટકો લાગ્યો છે.

ભારતમાં હિટ હતું ટિકટોક
બાઈટડાંસને એપ પર એડ્સ બતાવવા ઉપરાંત અન્ય રીતોથી રેવન્યૂ મળતો હતો, જે પ્રતિબંધ બાદ ઝીરો થઈ ગયો. કંપનીની એપ્સ અને ખાસ કરીને ટિકટોક ભારતના નાના-મોટા તમામ શહેરોમાં ઝડપથી લોકપ્રિય થઈ હતી. આંકડા મુજ, લોન્ચ થયા બાદથી ભાતમાં ગૂગલ પ્લે સ્ટોરથી ટિકટોકને લગભગ 66 કરોડ વખત ડાઉનલોડ કરાયું હતું. હાલમાં એપને પ્લે સ્ટોર અને એપ સ્ટોરથી હટાવી દેવામાં આવી છે અને એક્સેસ નથી કરી શકાતો.

ડેટા સિક્યોરિટી હતું કારણ
ભારત સરકાર તરફથી ચાઈનીઝ એપ્સ પર બેન લગાવવાનો નિર્ણય દેશના નાગરિકોની ડેટા સિક્યોરિટીનું કારણ બતાવતા લેવાયો હતો. જોકે માનવામાં આવી રહ્યું છે કે ભારત-ચીન સરહદ પર જોવા મળેલા તણાવના કારણે સરકારે આમ કર્યું છે. ગલવાન ઘાટીમાં થયેલા સંઘર્ષમાં 20 જવાનો શહીદ થયા બાદથી જ સોશિયલ મીડિયા પર ચીનના પ્રોડક્ટ્સ અને એપ્સ બોયકોટ કરવાની માગ કરાઈ રહી છે. સાથે જ ટિકટોકની ઘણી ક્લોન એપ હવે વાઈરલ થઈ રહી છે.