સરકારે ખાલિસ્તાન સમર્થક ગ્રૂપની 40 વેબસાઈટ પર મૂક્યો પ્રતિબંધ

નવી દિલ્હીઃ એક ગેરકાયદેસર સંગઠન ‘શીખ ફોર જસ્ટિસ’ સાથે જોડાયેલી 40 વેબસાઈટ પર સરકારે પ્રતિંબધ મૂકવાનો નિર્ણય લીધો છે. આરોપ છે કે આ વેબસાઈટ્સ દ્વારા આ સંગઠન ગેરકાયદેસર કામ કરવા માટે લોકોનું સમર્થન મેળવવાનો પ્રયાસ કરી રહ્યું હતું.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

ગૃહ મંત્રાલયની ભલામણ બાદ ઈલેક્ટ્રોનિક્સ એન્ડ ઈન્ફોટેક મિનિસ્ટ્રીએ આ પગલું ભર્યું છે. એખ દિવસ પહેલા જ ખાલિસ્તાની સમર્થક સંગઠનના સ્વયંભુ પ્રમુખ ગુરપતવંત સિંહ પન્નુ વિરુદ્ધ હરિયાણા પોલીસે દેશદ્રોહના આરોપમાં કેસ નોંધાવ્યો છે.

નોંધનીય છે કે પન્નુ અમેરિકામાં રહે છે અને ત્યાંથી ટેલીકોલિંગ અને વેબસાઈટ દ્વારા પોતાનું સંગઠન ચલાવતો હતો. પોલીસે જણાવ્યું છે કે પન્નુ દેશની અખંડતા અને સાંપ્રદાયિક સૌહાર્દ માટે ખતરો છે. તે 4 જૂલાઈએ ગેરકાયદેસર જનમત સંગ્રહ કરવાનો હતો અને વેબસાઈટ દ્વારા તેનો પ્રચાર કરી રહ્યો હતો.

પંજાબ અને હરિયાણા હાઈકોર્ટે આ સંગઠન સામે કાર્યવાહી અંગે અસંતુષ્ટી જાહેર કરી હતી. પંજાબ સરકારે જણાવ્યું હતું કે આ સંગઠન સાથે જોડાયેલા 116 વોટ્સએપ ગ્રૂપ પ્રતિબંધ કરી દેવામાં આવ્યા છે અને 16 એફઆરઆઈ નોંધવામાં આવી છે.