આ ભારતીય એપનો મોટો ધમાકો, માત્ર 36 કલાકમાં દોઢ કરોડ ડાઉનલોડ્સ
શેરચેટ ડિમાન્ડમાં, 36 કલાકમાં 1.5 કરોડ ડાઉનલોડ્સ
નવી દિલ્હી : ભારત સરકાર તરફથી 59 ચાઈનીઝ એપ્સ પર પ્રતિબંધ લગાવાયા બાદ ઘણી ભારતીય એપ્સની ડિમાન્ડ વધી ગઈ છે. ભારતીય સોશિયલ નેટવર્કિંગ પ્લેટફોર્મ શેરચેર છેલ્લા 36 કલાકમાં 15 મિલિયન એટલે દોઢ કરોડથી વધુ વખત ડાઉનલોડ કરવામાં આવી છે. શેરચેટે આજે જણાવ્યું કે, MyGovIndiaએ કંપની સાથે પાર્ટનરશિપ કરી છે જેનાથી આ સોશિયલ મીડિયા પ્લેટફોર્મ સાથે જોડાયેલા 60 મિલિયન એક્ટિવ યૂઝર્સને કનેક્ટ કરી શકાય.
દર કલાકે 5 લાખ ડાઉનલોડ્સ
ચીનની એપ્સ પર બેન લાગ્યા બાદ શેરચેટના ડાઉનલોડ્સ અત્યંત ઓછા સમયમાં ઝડપથી વધ્યા. કંપની અનુસાર શેરચેટે દર કલાકે આશરે 5 લાખ ડાઉનલોડ રેકોર્ડ કર્યા. શેરચેટ પ્લેટફોર્મ પર 1 લાખથી વધુ એવી પોસ્ટ કરવામાં આવી છે જેમાં ભારત સરકાર તરફથી ચાઈનીઝ એપ્સને બેન કરવાના નિર્ણયનું સમર્થન કરવામાં આવ્યું છે.
હેલો અને ટિકટૉક સાથે શેરચેટની ટક્કર
શેરચેટ એપના પ્લેસ્ટોર પર 150 મિલિયનથી વધુ ડાઉનલોડ્સ છે. શેરચેટની ભારતમાં ચીનની Helo અને TikTok સાથે ટક્કર છે. આ બંને ચીની ByteDance કંપનીની એપ્સ છે જેના પર સરકારે રવિવારે બેન લગાવી દીધો હતો. આ બેનને કારણે શેરચેટ જેવી ઘણી ભારતીય એપ્સની પૉપ્યુલારિટી ખૂબ વધી ગઈ છે.
15 પ્રાદેશિક ભાષાઓમાં ઉપલબ્ધ છે શેરચેટ
શેરચેટ 15 ભારતીય ભાષાઓ સપોર્ટ કરે છે. આમાં હિન્દી, મલયાલમ, ગુજરાતી, મરાઠી, પંજાબી, તેલુગુ, તમિલ, બંગાલી, ઉડિયા, કન્નડ, આસામીસ, હરિયાણવી, રાજસ્થાની, ભોજપુરી અને ઉર્દૂ જેવી ભાષાઓ શામેલ છે.
150 મિલિયનથી વધુ રજિસ્ટર્ડ યૂઝર્સ
શેરચેટ 4 વર્ષ જૂનું સોશિયલ મીડિયા પ્લેટફોર્મ છે. કંપનીની પાસે હાલના સમયમાં 150 મિલિયનથી વધુ રજિસ્ટર્ડ યૂઝર્સ છે, સાથે જ 60 મિલિયન એટલે કે, 6 કરોડથી વધુ મન્થલી એક્ટિવ યૂઝર્સ છે. કંપની પાસે 1 બિલિયનથી વધુ વ્હોટ્સએપ શેર્સ છે. વર્તમાન સમયમાં યૂઝર્સ રોજ આશરે 25 મિનિટ આ પ્લેટફોર્મ પર વિતાવે છે.
Comments
Post a Comment